November 12, 2022
November 12, 2022
ന്യൂസ്‌റൂം ബ്യുറോ
ദോഹ : ഖത്തർ ലോകകപ്പിനെത്തുന്ന സന്ദർശകരെ വരവേൽക്കാനൊരുങ്ങി സൗദിയിലെ പ്രശസ്ത ആഗോള റെസ്റ്റോറന്റ് ശൃംഖലയായ അൽ ബെയ്ക്.മിസൈല മെട്രോ സ്റ്റേഷനടുത്തുള്ള അൽ ബെയ്ക് ലോകകപ്പിന് മുമ്പ് ഏതാനും ദിവസങ്ങൾക്കുള്ളിൽ തന്നെ പ്രവർത്തനം ആരംഭിക്കുമെന്ന് മാനേജ്‌മെന്റ് അറിയിച്ചു. രാവിലെ 9:00 മുതൽ പുലർച്ചെ 2:00 വരെയായിരിക്കും റെസ്റ്റോറന്റിന്റെ പ്രവർത്തന സമയം.
ഖത്തറിൽ വിവിധ പ്രദേശങ്ങളിലായി അഞ്ചിടങ്ങളിലായാണ് അൽ ബെയ്ക്കിന്റെ മൊബൈൽ റെസ്റ്റോറന്റ് യൂണിറ്റുകൾ ഉൽഘാടനത്തിനായി തയാറെടുക്കുന്നത്.ലോകകപ്പിനെത്തുന്ന സന്ദർശകരെ ലക്ഷ്യമാക്കി ഖത്തറിൽ അഞ്ച് മൊബൈൽ യൂണിറ്റുകൾ ഖത്തറിൽ എത്തിക്കുമെന്ന് നേരത്തെ മാനേജ്‌മെന്റ് അറിയിച്ചിരുന്നു.ഇതിന്റെ ഭാഗമായി അബു സമ്ര അതിർത്തികടന്നെത്തിയ മൊബൈൽ റെസ്റ്റോറന്റിന്റെ ചിത്രങ്ങളും വാർത്തയും സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു.ഇതിനു പിന്നാലെ റെസ്റ്റോറന്റ് പ്രവർത്തനം തുടങ്ങിയതായി തെറ്റിദ്ധരിച്ച് കഴിഞ്ഞ ദിവസവും നിരവധി പേരാണ് ഈ കേന്ദ്രങ്ങളിലെത്തി മടങ്ങിയത്.
ചിക്കൻ, സീഫുഡ് എന്നിവയ്‌ക്കൊപ്പം ഉരുളക്കിഴങ്ങു കൂടി ഉൾപെടുത്തിയുള്ള അൽ ബെയ്ക്കിന്റെ 'ബ്രോസ്റ്റ്' ഗൾഫ് രാജ്യങ്ങളിൽ ഏറെ പ്രശസ്തമാണ്.ലോകത്തിന്റെ വിവിധ ഭാഗങ്ങളിലായി സ്ഥാപനത്തിന്റെ നിരവധി ബ്രാഞ്ചുകൾ പ്രവർത്തിക്കുന്നുണ്ട്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.
