September 16, 2022
September 16, 2022
ന്യൂസ്റൂം ബ്യുറോ
ദോഹ : ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) ഖത്തർ ഫുട്ബോൾ അസോസിയേഷനുമായി (ക്യുഎഫ്എ) ധാരണാപത്രത്തിൽ ഒപ്പുവെക്കും.
ഇന്ത്യയ്ക്കും ഖത്തറിനും ഫുട്ബോളിൽ കൂടുതൽ മികവു പുലർത്താൻ പുതിയ ധാർണ പ്രകാരം സാധിക്കുമെന്നാണ് പ്രതീക്ഷിക്കുന്നതെന്ന് ഇന്ത്യൻ മാധ്യമങ്ങൾ റിപ്പോർട്ട് ചെയ്തു.ഇതിന്റെ ഭാഗമായി, പുതുതായി തിരഞ്ഞെടുക്കപ്പെട്ട എഐഎഫ്എഫ് പ്രസിഡന്റ് കല്യാൺ ചൗബെയും സെക്രട്ടറി ജനറൽ ഷാജി പ്രഭാകരനും ലുസൈൽ സൂപ്പർ കപ്പിനോടനുബന്ധിച്ച് ദോഹയിലെത്തി ക്യുഎഫ്എ പ്രസിഡന്റ് ഷെയ്ഖ് ഹമദ് ബിൻ ഖലീഫ ബിൻ അഹമ്മദ് അൽതാനി ഉൾപെടെയുള്ളവരുമായി ചർച്ച നടത്തി.
മുതിർന്ന ബോർഡ് അംഗങ്ങൾ, ജനറൽ സെക്രട്ടറി മൻസൂർ അൽ അൻസാരി എന്നിവരും കൂടിക്കാഴ്ചയിൽ പങ്കെടുത്തു.
ഇന്ത്യയും ഖത്തറും തമ്മിലുള്ള സഹകരണ സാധ്യതകൾ ചർച്ച ചെയ്യാൻ അവസരമൊരുക്കിയതിന് ക്യുഎഫ്എ പ്രസിഡന്റിന് ആത്മാർത്ഥമായ നന്ദി അറിയിക്കുന്നതായും ഇരു രാജ്യങ്ങളിലെയും കായികമേഖലയ്ക്ക് ഇത് ഗുണം ചെയ്യുമെന്ന് ഉറപ്പുണ്ടെന്നും കല്യാൺ ചൗബേ പറഞ്ഞു.
ഇരുവരും ചേർന്ന് ഫിഫ പ്രസിഡന്റ് ജിയാനി ഇൻഫാന്റിനോയുമായി കൂടിക്കാഴ്ച നടത്തി ഇന്ത്യൻ ഫുട്ബോളിന്റെ ഭാവിയെക്കുറിച്ചും ഫിഫയ്ക്ക് എഐഎഫ്എഫിനെ എങ്ങനെ പിന്തുണയ്ക്കാമെന്നത് സംബന്ധിച്ച് ചർച്ച ചെയ്തതായും റിപ്പോർട്ടിൽ പറയുന്നു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/CnQu0Sm89HsFGubs4fWsFe എന്ന ലിങ്കിൽ ജോയിൻ ചെയ്യുക