November 18, 2021
November 18, 2021
ദോഹ : ലോകകപ്പിനുള്ള സുരക്ഷാ മുന്നൊരുക്കങ്ങളുടെ ഭാഗമായി ഖത്തർ സംഘടിപ്പിച്ച 'വതൻ' മോക്ഡ്രിൽ ഇന്നവസാനിക്കും. മൂന്ന് ദിവസങ്ങൾ നീണ്ടുനിന്ന അഭ്യാസപ്രകടനങ്ങളിൽ 13 രാജ്യങ്ങളിൽ നിന്നുള്ള സുരക്ഷാസംഘങ്ങളാണ് പങ്കെടുത്തത്. കരയിലും കടലിലുമായി രാജ്യത്തിന്റെ വിവിധ ഭാഗങ്ങളിൽ വ്യത്യസ്തങ്ങളായ പരിപാടികളാണ് മോക്ഡ്രില്ലിന്റെ ഭാഗമായി അരങ്ങേറിയത്.
വിവിധ ചുമതലകളുള്ള സുരക്ഷാവകുപ്പുകളുടെ ഏകോപനം ആയിരുന്നു മോക് ഡ്രില്ലിന്റെ പ്രധാന അജണ്ട. ലോകകപ്പിന്റെ സംഘാടനം, പൊതുജനങ്ങളുടെ സുരക്ഷ, അടിയന്തര ഘട്ടങ്ങൾ തുടങ്ങി വിവിധ സാഹചര്യങ്ങളിൽ സൈന്യവുമായി എങ്ങനെ ഒത്തുചേർന്നു പ്രവർത്തിക്കാമെന്ന് മനസിലാക്കാൻ മറ്റ് സുരക്ഷാ സംഘടനകൾക്ക് അവസരമൊരുക്കുക എന്ന ദൗത്യമാണ് മോക്ഡ്രില്ലിലൂടെ പൂർത്തീകരിക്കപ്പെടുന്നത്. വതനിന്റെ വിജയത്തോടെ, ലോകകപ്പിന് ഖത്തർ സർവ്വസജ്ജരാണെന്ന് ഒരിക്കൽക്കൂടി തെളിഞ്ഞതായി സുപ്രീം കമ്മിറ്റി അഭിപ്രായപ്പെട്ടു.