July 14, 2021
July 14, 2021
ദോഹ: ഖത്തറിലേക്കു വരുന്ന എല്ലാ യാത്രക്കാരും ഇഹ്തിറാസ് ആപ്പിൽ ഓൺലൈൻ പ്രീ രെജിസ്ട്രേഷൻ ചെയ്യേണ്ടത് നിർബന്ധമല്ലെന്ന് ആരോഗ്യ മന്ത്രാലയം അറിയിച്ചു.ഖത്തറിൽ താമസ വിസയുള്ളവരും പൗരന്മാരും രജിസ്റ്റർ ചെയ്യണമെന്നില്ല.അതേസമയം,രജിസ്റ്റർ ചെയ്യുകയാണെങ്കിൽ ഖത്തറിൽ തിരിച്ചെത്തിയാലുള്ള നടപടിക്രമങ്ങൾ എളുപ്പമാക്കാൻ ഇത് സഹായിക്കും.ഖത്തറിലേക്ക് തിരിച്ചുവരുന്ന എല്ലാവരും നിർബന്ധമായും പ്രീ രജിസ്‌ട്രേഷൻ ചെയ്തിരിക്കണമെന്ന് നേരത്തെ അറിയിച്ചിരുന്നു. ഈ നിബന്ധനയാണ് ഇപ്പോൾ ഒഴിവാക്കിയത്. സന്ദർശകർക്ക് ഓൺലൈൻ പ്രീ രെജിസ്ട്രേഷൻ നിര്ബന്ധമായിരിക്കും.
ട്വിറ്റെറിലാണ് ആരോഗ്യ മന്ത്രാലയം ഇക്കാര്യം അറിയിച്ചത്.ഓൺലൈൻ പ്രീ രെജിസ്ട്രേഷൻ ഏർപ്പെടുത്തിയതിനെതിരെ സമൂഹ മാധ്യമങ്ങളിൽ ഖത്തർ പൗരന്മാരിൽ നിന്നും പ്രതിഷേധം ഉയർന്നിരുന്നു.
സ്വന്തം രാജ്യത്തേക്ക് മടങ്ങാൻ വിസ എടുക്കുന്നതിന് തുല്യമാണ് ഈ രജിസ്‌ട്രേഷൻ എന്ന് ചിലർ അഭിപ്രായപ്പെടുകയായിരുന്നു.
