July 08, 2021
July 08, 2021
ദോഹ: ഖത്തറില്‍ വിസ കച്ചവടത്തിനെതിരേ അധികൃതരുടെ കടുത്ത മുന്നറിയിപ്പ്. ആഭ്യന്തരമന്ത്രാലയത്തിലെ ഓഫിസര്‍ ലഫ്റ്റനന്റ് അഹ്‌മദ് അബ്ദുല്ല സാലിം ആണ് ഇക്കാര്യം അറിയിച്ചത്. വിസകള്‍ വാങ്ങുന്നതും വില്‍ക്കുന്നതും ഗൗരവമേറിയ കുറ്റമാണെന്ന അദ്ദേഹം അറിയിച്ചു. അഭ്യന്തരന്ത്രാലയത്തിന്റെ ഒരു വെബിനാറില്‍ സംസാരിക്കുകയായിരുന്നു അദ്ദേഹം. വിസക്കച്ചവടക്കാര്‍ പിടിക്കപ്പെട്ടാല്‍ മൂന്നു വര്‍ഷം വരേ തടവോ 50,000 റിയാല്‍ പിഴയോ ലഭിക്കും. കുറ്റം ആവര്‍ത്തിച്ചാല്‍ പിഴ ഒരു ലക്ഷം റിയാലായി ഉയരും. ഓടിപ്പോകുന്ന തൊഴിലാളികളുടെ നടപടിക്രമങ്ങള്‍ക്കായി ഹമദ് അന്താരാഷ്ട്ര വിമാനത്താവളത്തില്‍ സര്‍ച്ച് ആന്റ് ഫോളോ അപ്പ് സര്‍വീസ് തുടങ്ങും. ജീവനക്കാരുടെ പാസ്‌പോര്‍ട്ടുകള്‍ അനധികൃതമായി കൈവശം വെക്കുന്ന സ്ഥാപനങ്ങള്‍ക്കും വ്യക്തികള്‍ക്കുമെതിരേ 25000 റിയാല്‍ വരേ പിഴ ചുത്തുമെന്നും അദ്ദേഹം അറിയിച്ചു.
