October 07, 2021
October 07, 2021
ദോഹ: ഖത്തര് ഇന്ത്യന് ഇസ്ലാഹി സെന്റര് 2011 ല് തുടക്കമിട്ട
'വെളിച്ചം' ഖുര്ആന് സമ്പൂര്ണ പഠന പദ്ധതിയുടെ പത്താം വാര്ഷികവും,
'വെളിച്ച'ത്തിന്റെ മൂന്നാംഘട്ട പ്രഖ്യാപനവും നാളെ (വെള്ളി) നടക്കും. ഖത്തര് സമയം വൈകുന്നേരം 3:30 മുതല് ഓൺലൈന് പ്ലാറ്റ് ഫോം വഴി നടക്കുന്ന പരിപാടി പ്രതിപക്ഷ നേതാവ് വി.ഡി
സതീശന് ഉദ്ഘാടനം ചെയ്യും. ശൈഖ് ഖാലിദ് അല്താനിയാണ് മൂന്നാം ഘട്ടത്തിന്റെ ആദ്യ മൊഡ്യൂള് പ്രകാശനം ചെയ്യുക.
പ്രഗത്ഭ പ്രഭാഷകരായ റാഫി
പേരാമ്പ്ര, മുഹ്സിന പത്തനാപുരം എന്നിവര് ശ്രദ്ധേയമായ വിഷയങ്ങളില്
പ്രഭാഷണം നടത്തും. ലോകത്തിന്റെ ഏതു കോണിലിരുന്നും പരിപാടിയുടെ
ഭാഗമാവാന് കഴിയുമെന്ന് ചെയര്മാന് സിറാജ് ഇരിട്ടി, ജനറൽ കൺവീനർ ഉമര് ഫാറൂഖ് എന്നിവര് അറിയിച്ചു. പ്രഗത്ഭ പണ്ഡിതനും ഗ്രന്ഥകാരനുമായ പ്രൊഫ. കെ.പി സകരിയ്യ ഫാറൂഖിയുടെ
'ഖുര്ആന് ആസ്വാദന പാഠങ്ങള്'
എന്ന വ്യാഖ്യാനഗ്രന്ഥത്തെ
ആസ്പദമാക്കിയുള്ള സിലബസ്സാണ് 'വെളിച്ചം'
മൂന്നാംഘട്ടത്തിന്റെ
പ്രധാന സവിശേഷത. ഖുര്ആന് വിവരണത്തിന് പുറമെ സാംസ്കാരിക
പാഠങ്ങള്, കര്മാനുഷ്ഠാനപാഠങ്ങള്, ചരിത്രം, ഹദീസ് തുടങ്ങിയവ
ഉള്കൊള്ളുന്നതായിരിക്കും ഓരോ മൊഡ്യൂളുകളിലെയും സ്റ്റഡി
മെറ്റീരിയല്.
പരിപാടിയെക്കുറിച്ചും, വെളിച്ചം പഠന പദ്ധതിയെക്കുറിച്ചും കൂടുതല്
വിവരങ്ങളറിയുവാന് 33430722/ 55221797 എന്നീ നമ്പറുകളില് ബന്ധപ്പെടാ
വുന്നതാണ്.