September 26, 2022
September 26, 2022
ന്യൂസ്‌റൂം ബ്യുറോ
ദോഹ : ലൈസൻസില്ലാത്ത റിയൽ എസ്റ്റേറ്റ് ഇടപാടുകാർ ഫ്‌ളാറ്റുകളോ വില്ലകളോ വാണിജ്യാവശ്യങ്ങൾക്കുള്ള കെട്ടിടങ്ങളോ വാടകക്ക് നല്കാനുണ്ടെന്ന തരത്തിൽ പരസ്യം ചെയ്‌താൽ ഒരു ലക്ഷം റിയാൽ പിഴ ലഭിക്കും.ഇത്തരം നിയമലംഘനം നടത്തിയതായി കണ്ടെത്തിയാൽ കടുത്ത ശിക്ഷാ നടപടികൾ നേരിടേണ്ടി വരുമെന്ന് നേരത്തെ മുന്നറിയിപ്പ് നൽകിയിരുന്നെങ്കിലും ലോകകപ്പിനോടനുബന്ധിച്ച് താമസ കെട്ടിടങ്ങൾക്ക് ആവശ്യക്കാർ വർധിച്ചതിനാൽ പലരും സമൂഹ മാധ്യമങ്ങളിലും മറ്റുമായി ഇത്തരം പരസ്യങ്ങൾ നൽകുന്നതായി അധികൃതരുടെ ശ്രദ്ധയിൽ പെട്ടിട്ടുണ്ട്.ഈ സാഹചര്യത്തിൽ നിരീക്ഷണം ശക്തമാക്കിയതായി ബന്ധപ്പെട്ട ഒരുദ്യോഗസ്ഥൻ ന്യൂസ്‌റൂമിനെ അറിയിച്ചു.
ഖത്തറിലെ നിയമമനുസരിച്ച്,അംഗീകൃത ലൈസൻസുള്ള വ്യക്തികൾക്കോ സ്ഥാപനങ്ങൾക്കോ മാത്രമാണ് കെട്ടിടങ്ങളോ മുറികളോ വാടകക്ക് നൽകാൻ അനുമതിയുള്ളത്.എന്നാൽ വലിയൊരു വിഭാഗം മലയാളികളും വില്ലകളും ഫ്‌ളാറ്റുകളും മറ്റുള്ളവരിൽ നിന്നെടുത്ത് വാടകക്ക് നൽകാറുണ്ട്.അതേസമയം,ഇതുമായി ബന്ധപ്പെട്ട് മാധ്യമങ്ങളിൽ പരസ്യങ്ങൾ നൽകുന്നതായി അധികൃതരുടെ ശ്രദ്ധയിൽ പെട്ടാൽ കടുത്ത നടപടികൾ നേരിടേണ്ടിവരുമെന്ന മുന്നറിയിപ്പാണ് അധികൃതർ നൽകുന്നത്.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/HU1j0QE7i26GnMur8CmUvF എന്ന ലിങ്കിൽ ജോയിൻ ചെയ്യുക
