August 20, 2019
August 20, 2019
ദോഹ: ഖത്തറിനെ ലക്ഷ്യമിട്ട് യു.എ.ഇ ലണ്ടന്‍ ആസ്ഥാനമായി പുതിയ മാധ്യമശൃംഖലയ്ക്കു തുടക്കം കുറിക്കുന്നു. 7ഡി ന്യൂസ് എന്ന യു.എ.ഇ വാര്‍ത്താ പോര്‍ട്ടലിനു കീഴിലാണു പുതിയ മാധ്യമ സംരംഭത്തിന് തുടക്കമിടുന്നത്..
വെബ്‌സൈറ്റ് എഡിറ്ററും യു.എ.ഇ സര്‍ക്കാരുമായി അടുത്ത ബന്ധം പുലര്‍ത്തുന്നയാളുമായ അലി അല്‍ നഈമിയാണു ഇത് സംബന്ധിച്ച പ്രഖ്യാപനം നടത്തിയത്. അല്‍ജസീറ അടക്കമുള്ള ഖത്തര്‍ മാധ്യമങ്ങളെ പരാജയപ്പെടുത്താനുള്ള യു.എ.ഇ, സൗദി അറേബ്യന്‍ മാധ്യമങ്ങളുടെ ശ്രമം വിഫലമായതിനെ തുടർന്നാണ് പുതിയ സംരംഭത്തിന് യു.എ.ഇ ഒരുങ്ങുന്നതെന്നാണ് മാധ്യമ-രാഷ്ട്രീയ വിദഗ്ധര്‍ വിലയിരുത്തുന്നത്.
തങ്ങളുടെ മാധ്യമങ്ങള്‍ക്കുമേല്‍ ഖത്തര്‍ മാധ്യമങ്ങള്‍ മേധാവിത്വം പുലര്‍ത്തുന്നതായി അടുത്തിടെ അബൂദാബി കിരീടാവകാശിയുടെ ഉപദേഷ്ടാവ് അബ്ദുല്‍ ഖാലിഖ് അബ്ദുല്ല സമ്മതിച്ചിരുന്നു.ഖത്തര്‍ ചാരിറ്റി ബ്രിട്ടനില്‍ നടത്തുന്ന വിവിധ സഹായ-സന്നദ്ധ പ്രവര്‍ത്തനങ്ങളെയും പുതിയ സംരംഭത്തിലൂടെ ലക്ഷ്യമാക്കുന്നതായാണ് സൂചന.
