August 29, 2022
August 29, 2022
ദോഹ : ഖത്തറിൽ കാറുകൾ മോഷ്ടിച്ച രണ്ട് പേരെ ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ വിഭാഗം അറസ്റ്റ് ചെയ്തു.പിടിയിലായ രണ്ടുപേരും അറബ് വംശജരാണ്.രാജ്യത്തിന്റെ വിവിധ ഭാഗങ്ങളിൽ നിന്നായി കാറുകൾ മോഷണം പോയതായി റിപ്പോർട്ടുകൾ ലഭിച്ചതിനെ തുടർന്ന് നടത്തിയ അന്വേഷണത്തിലാണ് പ്രതികൾ പിടിയിലായതെന്നും രണ്ടു പ്രതികളും കാർ മോഷണത്തിൽ വൈദഗ്ധ്യം നേടിയവരാണെന്നും ആഭ്യന്തര മന്ത്രാലയം അറിയിച്ചു.ഇതിന്റെ ദൃശ്യങ്ങളും മന്ത്രാലയം സമൂഹ മാധ്യമ അക്കൗണ്ടിൽ പോസ്റ്റ് ചെയ്തിട്ടുണ്ട്.
ഏതെങ്കിലും സ്ഥലത്ത് ദീർഘനേരം പാർക്ക് ചെയ്യുന്ന വാഹനങ്ങളാണ് പ്രതികൾ ലക്ഷ്യമിട്ടിരുന്നതെന്നും ഇത്തരം വാഹനങ്ങൾ മോഷ്ടിക്കുന്നതിനായി കടകളിൽ നിന്ന് ഡ്യൂപ്ലിക്കേറ്റ് താക്കോൽ ഉണ്ടാക്കുകയോ ട്രക്കുകളിൽ കയറ്റി കൊണ്ടുപോകുകയോ ചെയ്യുന്നതാണ് ഇവരുടെ മോഷണ രീതിയെന്നും മന്ത്രാലയം അറിയിച്ചു.
സുരക്ഷിതമായ പാർക്കിംഗ് സ്ഥലങ്ങളിൽ മാത്രം വാഹനങ്ങൾ പാർക്ക് ചെയ്യണമെന്നും വാഹനത്തിനുള്ളിൽ സൂക്ഷിക്കുന്ന വിലപിടിപ്പുള്ള വസ്തുക്കളുടെ സുരക്ഷ ഉറപ്പുവരുത്തണമെന്നും മന്ത്രാലയം പൊതുജനങ്ങളോട് അഭ്യർത്ഥിച്ചു.
സംശയാസ്പദമായ എന്തെങ്കിലും ശ്രദ്ധയിൽ പെട്ടാൽ പൊതുജനങ്ങൾ 999 എന്ന എമർജൻസി നമ്പറിൽ സർവീസിൽ വിളിക്കുകയോ മെട്രാഷ്2 വഴി പരാതി രജിസ്റ്റർ ചെയ്യുകയോ ചെയ്യണമെന്ന് മന്ത്രാലയം പൊതുജനങ്ങളോട് അഭ്യർത്ഥിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
