April 08, 2022
April 08, 2022
ദോഹ: വ്യാജ സ്വർണ നാണയങ്ങൾ വിറ്റ് നിരവധി പേരിൽ നിന്നും ഒന്നര മില്യൺ (15 ലക്ഷം) റിയാൽ തട്ടിയെടുത്ത രണ്ടു പേരെ അറസ്റ്റു ചെയ്തതായി ഖത്തർ ആഭ്യന്തര മന്ത്രാലയത്തിന് കീഴിലെ ക്രിമിനൽ ഇൻവെസ്റ്റിഗേഷൻ ഡിപ്പാർട്മെന്റ് അറിയിച്ചു. പ്രതികൾ ഏഷ്യൻ വംശജരാണ്.
തട്ടിപ്പിനെക്കുറിച് വിവരം ലഭിച്ചതിനെ തുടർന്ന് ഡിപ്പാർട്മെന്റ് പ്രത്യേക സംഘം രൂപീകരിച്ച് അന്വേഷണം തുടങ്ങുകയായിരുന്നു.. പിന്നീട് നടത്തിയ റെയ്‌ഡിൽ മാമൂറയിൽ വെച്ച് ഇവരിൽ നിന്നും വ്യാജ സ്വർണ നാണയങ്ങളുടെ വലിയ ശേഖരം പിടിച്ചെടുത്തു.
പതിനഞ്ചു കിലോ തൂക്കം വരുന്ന ലോഹ നാണയങ്ങൾ ഖത്തറിലേക്കു കടത്തികൊണ്ടുവന്നതായും സ്വർണം പോലെ തോന്നിക്കാൻ ഇവയിൽ മറ്റു ലോഹങ്ങൾ കലർത്തിയതായും ചോദ്യം ചെയ്യലിൽ പ്രതികൾ പോലീസിനോട് സമ്മതിച്ചു.നിരവധി പേർക്കാണ് ഇവരുടെ തട്ടിപ്പിനിരയായി പണം നഷ്ടപ്പെട്ടത്.
അംഗീകൃത കടകളിൽ നിന്ന് മാത്രം സ്വർണം വാങ്ങണമെന്ന് ആഭ്യന്തര മന്ത്രാലയം പൊതുജനങ്ങളോട് അഭ്യർത്ഥിച്ചു.
