March 20, 2022
March 20, 2022
ദോഹ : ചായ - ചോക്കലേറ്റ് പ്രേമികൾക്കായി അണിയിച്ചൊരുക്കിയ പ്രദർശനമേള മാർച്ച്‌ 26 വരെ തുടരുമെന്ന് സംഘാടകർ അറിയിച്ചു. അൽ ബിദ്ദ പാർക്കിൽ നടക്കുന്ന പ്രദർശനത്തിൽ അൻപതോളം സംരംഭകരാണ് പങ്കെടുക്കുന്നത്. ചൂടേറിയ ചായകളും, തണുത്ത പാനീയങ്ങളും അണിനിരത്തിയ മേളയിൽ, പേസ്ട്രികൾ, സാൻഡ്വിച്ചുകൾ, പിസ തുടങ്ങിയവയും ലഭ്യമാണ്.
വൈകുന്നേരം മൂന്ന് മണി മുതൽ രാത്രി പതിനൊന്ന് മണിവരെയാണ് സന്ദർശകർക്ക് പ്രവേശനം അനുവദിച്ചിരിക്കുന്നത്. ജാപ്പനീസ്, ഫിലിപ്പീനോ, ഇന്തോനേഷ്യൻ തുടങ്ങിയ ഭക്ഷ്യവൈവിധ്യവും മേളയുടെ മാറ്റുകൂട്ടുന്നു. മത്സ്യവിഭവങ്ങൾക്കും ചിക്കൻ കൊണ്ടുണ്ടാക്കിയ ഉത്പന്നങ്ങൾക്കും വലിയ പ്രചാരമാണ് മേളയിൽ ലഭിച്ചത്. ഒന്നിനൊപ്പം ഒന്ന് സൗജന്യമായി നൽകുന്നതടക്കം നിരവധി ഓഫറുകളും പല സ്റ്റാളുകളും ഒരുക്കിയിട്ടുണ്ട്.
