October 31, 2021
October 31, 2021
ദോഹ: ഖത്തറിന്റെ ജനസംഖ്യയിൽ 80000 ത്തിന്റെ ഇടിവ് നേരിട്ടതായി പഠനം. പ്ലാനിങ് ആൻഡ് സ്റ്റാറ്റിസ്റ്റിക്സ് അതോറിറ്റിയാണ് പട്ടിക പുറത്തുവിട്ടത്. 2020 സെപ്റ്റംബർ മുതൽ 2021 വരെയുള്ള കാലയളവാണ് പഠനവിധേയമാക്കിയത്. കഴിഞ്ഞ വർഷം 2.72 മില്യൺ ആയിരുന്നു ഖത്തറിന്റെ ജനസംഖ്യയെങ്കിൽ, ഈ വർഷമത് 2.64 മില്യൺ ആണ്.
സെപ്റ്റംബർ മാസത്തിൽ 2026 ജനങ്ങളാണ് ഖത്തറിൽ റിപ്പോർട്ട് ചെയ്യപ്പെട്ടിട്ടുള്ളത്. കഴിഞ്ഞ മാസത്തേക്കാൾ 4.4 ശതമാനം കുറവാണിത്. 168 ആളുകൾക്ക് സെപ്റ്റംബറിൽ ജീവൻ നഷ്ടമായതായും റിപ്പോർട്ട് സൂചിപ്പിക്കുന്നു. സെപ്റ്റംബർ മാസത്തിൽ 363 വിവാഹങ്ങളും, 213 വിവാഹമോചനങ്ങളും നടന്നിട്ടുണ്ട്. വാർഷിക വൈദ്യുതി ഉപയോഗത്തിൽ 2.1 ശതമാനത്തിന്റെ വർദ്ധനവ് രേഖപ്പെടുത്തിയപ്പോൾ, ഉപയോഗിക്കുന്ന ജലത്തിന്റെ കണക്കിൽ നേരിയ കുറവുവന്നിട്ടുണ്ടെന്നും അതോറിറ്റിയുടെ കണക്കുകൾ വ്യക്തമാക്കുന്നു.