February 21, 2022
February 21, 2022
ദോഹ : രാജ്യം കോവിഡിന്റെ മൂന്നാം തരംഗത്തിൽ നിന്നും പതിയെ മുക്തി നേടുന്നതായി കണക്കുകൾ. ഫെബ്രുവരി 10 ന് 783 പുതിയ കേസുകൾ റിപ്പോർട്ട് ചെയ്യപ്പെട്ടിരുന്നു. ഇന്നലത്തെ ഖത്തറിൽ കേവലം 442 പേർക്കാണ് കോവിഡ് ബാധ സ്ഥിരീകരിച്ചത്. തുടർച്ചയായി രണ്ടാം ദിവസമാണ് പുതിയ രോഗികളുടെ എണ്ണം അഞ്ഞൂറിൽ താഴെ ആവുന്നത്.
ജനുവരി 30 ന് അവസാനിച്ച ആഴ്ച്ചയിൽ ശരാശരി 2042 പുതിയ കോവിഡ് രോഗികളാണ് ഖത്തറിൽ ഉണ്ടായിരുന്നത്. ഫെബ്രുവരി 11 ആവുമ്പോഴേക്കും ഈ കണക്ക് 930 ആയി കുറഞ്ഞു. ഫെബ്രുവരി 19 ൽ അവസാനിച്ച ആഴ്ചയിൽ 513 ആണ് രോഗികളുടെ ശരാശരി എണ്ണം. ഖത്തറിൽ ഇന്നലെ 678 പേരാണ് കോവിഡിൽ നിന്നും രോഗമുക്തി നേടിയത്. ബൂസ്റ്റർ ഡോസ് നൽകുന്ന കാര്യത്തിലും രാജ്യം അതിവേഗം കുതിക്കുകയാണ്. ഇന്നലെ നൽകിയ വാക്സിനുകൾ അടക്കം, 62,01,271 പേർക്കാണ് ബൂസ്റ്റർ വാക്സിൻ നൽകിയത്.
