December 16, 2021
December 16, 2021
ദോഹ : അടുത്ത വർഷം ഖത്തർ വേദിയാവുന്ന ലോകകപ്പ് ഫുട്ബോളിന് മുന്നോടിയായി പ്രത്യേകസ്റ്റാമ്പ് പുറത്തിറക്കുമെന്ന പ്രഖ്യാപനവുമായി ഖത്തർ. "ഫിഫ ക്ലാസിക്ക് കളക്ഷൻ" എന്ന് പേരിട്ടിരിക്കുന്ന ഈ സ്റ്റാമ്പുകൾ, ഫിഫയും ഖത്തർ പോസ്റ്റും സംയുക്തമായാണ് പുറത്തിറക്കുന്നത്.
2010 മുതൽ 2018 വരെ നടന്ന മൂന്ന് ലോകകപ്പുകളിലെ ചരിത്രനിമിഷങ്ങൾ കോർത്താണ് സ്റ്റാമ്പുകൾ രൂപകല്പന ചെയ്യുക. ഈയൊരു ഉദ്യമത്തിന് ഫിഫ പിന്തുണ നൽകിയതിൽ ഏറെ സന്തോഷമുണ്ടെന്നും, ലോകമെമ്പാടുമുള്ള സ്റ്റാമ്പ് ശേഖരണപ്രേമികൾ ഈ അസുലഭ അവസരം വിനിയോഗിക്കണമെന്നും ഖത്തർ പോസ്റ്റ് ചെയർമാൻ ഫലേഹ് അൽ നയീമി പ്രതികരിച്ചു. ഫ്രാൻസിലെ കാർട്ടർ പ്രസ്സിനാണ് സ്റ്റാമ്പുകളുടെ അച്ചടി ചുമതല. ആദ്യഘട്ടത്തിൽ 20000 സ്റ്റാമ്പുകളാണ് പുറത്തിറക്കുക. പതിനെട്ട് റിയാലിന് പൊതുജനങ്ങൾക്ക് സ്റ്റാമ്പ് സ്വന്തമാക്കാൻ അവസരമൊരുക്കും.