July 21, 2023
July 21, 2023
ന്യൂസ്‌റൂം ബ്യുറോ
ദോഹ : ഖത്തർ രാജകുടുംബാംഗവും മുൻ വിദ്യാഭ്യാസ മന്ത്രിയുമായിരുന്ന ശൈഖ് മുഹമ്മദ് ബിൻ ഹമദ് ബിൻ അബ്ദുല്ല ബിൻ ജാസിം അൽതാനി നിര്യാതനായി.വെള്ളിയാഴ്ച രാവിലെയായിരുന്നു അന്ത്യം.
1978-1989 കാലഘട്ടത്തിൽ വിദ്യാഭ്യാസ മന്ത്രിയായിരുന്ന അദ്ദേഹം ഖത്തറിലെ വിദ്യാഭ്യാസ മേഖലയിൽ നിർണായക പങ്ക് വഹിച്ചതായി വിദ്യാഭ്യാസ,ഉന്നത വിദ്യാഭ്യാസ മന്ത്രാലയം ട്വിറ്ററിൽ നൽകിയ അനുശോചന സന്ദേശത്തിൽ അറിയിച്ചു.
ലെബനനിൽ റസിഡന്റ് അംബാസഡറും തുർക്കിയിലും സിറിയയിലും നോൺ റസിഡന്റ് അംബാസഡറുമായി സേവനമനുഷ്ഠിച്ചിട്ടുണ്ട്.മുഹമ്മദ് ബിൻ ഹമദ് ഹോൾഡിംഗ് കമ്പനിയുടെ സ്ഥാപകനും ഡയറക്ടർ ബോർഡ് ചെയർമാനുമാണ് കമ്പനിയുടെ വെബ്‌സൈറ്റിൽ നൽകുന്ന വിവരം അനുസരിച്ച്,ശൈഖ് മുഹമ്മദ് ബിൻ ഹമദ് ബിൻ അബ്ദുല്ല ബിൻ ജാസിം അൽതാനിയാണ് ഒരു കൂട്ടം ബിസിനസുകാരുമായി ചേർന്ന് നാഷണൽ ബാങ്ക് ഓഫ് ഖത്തർ സ്ഥാപിച്ചത്.
ശൈഖ് മുഹമ്മദ് ബിൻ ഹമദ് ബിൻ അബ്ദുല്ല ബിൻ ജാസിം അൽതാനിയുടെ നിര്യാണത്തിൽ അമീരി ദിവാൻ അനുശോചിച്ചു.ശനിയാഴ്ച മഗ്‌രിബ് നമസ്കാരത്തിന് ശേഷം ഇമാം മുഹമ്മദ് ബിൻ അബ്ദുൽ വഹാബ് പള്ളിയിൽ മയ്യിത്ത് നമസ്കാരം പൂർത്തിയാക്കിയ ശേഷം പഴയ റയ്യാൻ ഖബർസ്ഥാനിൽ മൃതദേഹം ഖബറടക്കും.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH
