March 17, 2022
March 17, 2022
ദോഹ :ഖത്തറിലെ ഏറ്റവും മികച്ച സി.ഇ.ഒ ആയി ദോഹ ബാങ്ക് സി.ഇ.ഒ ഡോക്ടർ ആർ. സീതാരാമനെ തിരഞ്ഞെടുത്തു. ഫിന്നോവെക്സ് ഖത്തറാണ് ഈ വർഷത്തെ പുരസ്‌കാരജേതാവായി സീതാരാമനെ തിരഞ്ഞെടുത്തത്. ദോഹയിൽ നടന്ന ചടങ്ങിൽ സീതാരാമൻ പുരസ്‌കാരം ഏറ്റുവാങ്ങി.
ബാങ്കിംഗ് രംഗത്ത് നടപ്പിലാക്കിയ വിപ്ലവകരമായ മാറ്റങ്ങളാണ് സീതാരാമനെ അവാർഡിന് അർഹനാക്കിയത്. അവാർഡ് സ്വീകരിച്ച ശേഷം, ആധുനിക ലോകത്തെ കമ്പനികൾ പ്രവർത്തിക്കേണ്ടത് എങ്ങനെ എന്ന വിഷയത്തിലെ തന്റെ വീക്ഷണങ്ങൾ സീതാരാമൻ സദസ്സുമായി പങ്കുവെച്ചു. വികസനത്തിനൊപ്പം, പരിസ്ഥിതിക്കും ഊന്നൽ നൽകിയുള്ള മാറ്റങ്ങൾക്ക് പ്രാധാന്യം നൽകണമെന്ന് അദ്ദേഹം അഭിപ്രായപ്പെട്ടു. ബാങ്കിംഗ് മേഖല ഡിജിറ്റലാക്കിയതിലൂടെ ലഭിച്ച ഗുണങ്ങളും സീതാരാമൻ ചൂണ്ടിക്കാണിച്ചു. ഗ്രീൻ ക്രെഡിറ്റ് കാർഡ്, ഗ്രീൻ അകൗണ്ട് തുടങ്ങി, ഒരുപിടി പരിസ്ഥിതി സൗഹൃദ പദ്ധതികൾ സീതാരാമന്റെ നേതൃത്വത്തിൽ ദോഹ ബാങ്കിൽ നടപ്പിലാക്കിയിരുന്നു.
