December 05, 2021
December 05, 2021
ദോഹ : സൗദി രാജകുമാരൻ മുഹമ്മദ്‌ ബിൻ സൽമാൻ ഏറെ വൈകാതെ ഖത്തർ സന്ദർശിക്കുമെന്ന് റിപ്പോർട്ടുകൾ. അഞ്ച് ദിവസങ്ങൾ നീണ്ടുനിൽക്കുന്ന ഗൾഫ് പര്യടനത്തിന്റെ ഭാഗമായാണ് രാജകുമാരൻ ഖത്തറിൽ എത്തുന്നത്. ഡിസംബർ 6 തിങ്കളാഴ്ച ഈ പര്യടനം ആരംഭിക്കുമെന്ന് നയതന്ത്രവൃത്തങ്ങൾ അറിയിച്ചു. ഒമാനിൽ നിന്നും ആരംഭിക്കുന്ന യാത്രയിൽ ബഹ്‌റൈൻ, ഖത്തർ, യുഎഇ, കുവൈത്ത് എന്നീ രാജ്യങ്ങളിലാണ് രാജകുമാരൻ സന്ദർശനം നടത്തുക.
2017 ൽ ഖത്തറിന് മേൽ ഉപരോധം ഏർപ്പെടുത്തുന്നതിൽ സൗദിയും മുൻനിരയിൽ ഉണ്ടായിരുന്നെങ്കിലും, 41ആം ജിസിസി ഉച്ചകോടിയോടെ ഇരുരാജ്യങ്ങളും സൗഹൃദം വീണ്ടെടുത്തിരുന്നു. അൽ ഉല ഉടമ്പടിയിലൂടെ ഖത്തറിന് ഏർപ്പെടുത്തിയ ഉപരോധം ജിസിസി രാഷ്ട്രങ്ങൾ പിൻവലിക്കുകയും ചെയ്തിരുന്നു. പിന്നാലെ, റിയാദും ദോഹയും നിരവധി പ്രധാനകരാറുകളിൽ ഒപ്പിടുകയും ചെയ്തു. ഇരുരാജ്യങ്ങൾക്കും ഇടയിലെ അതിർത്തി പുനർനിർണ്ണയിച്ചതും വാർത്തകളിൽ നിറഞ്ഞിരുന്നു. അറബ് രാഷ്ട്രങ്ങളുടെ ഒത്തൊരുമ ഊട്ടിയുറപ്പിക്കുക എന്നതാണ് പര്യടനത്തിന്റെ പ്രധാന ലക്ഷ്യം എങ്കിലും, ഇറാന്റെ ആണവശേഖരം അടക്കമുള്ള കാര്യങ്ങൾ ചർച്ച ചെയ്യപ്പെടുമെന്നാണ് റിപ്പോർട്ടുകൾ.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
