January 26, 2021
January 26, 2021
ദോഹ : എഴുപത്തിരണ്ടാമത് ഇന്ത്യൻ റിപ്പബ്ലിക് ദിനത്തിൽ ഖത്തറിലെ ഇന്ത്യൻ എംബസിയിൽ നടന്ന ചടങ്ങിൽ ഇന്ത്യൻ സ്ഥാനപതി ഡോ.ദീപക് മിത്തൽ ദേശീയ പതാക ഉയർത്തി.രാവിലെ 7.50 നാണ് ആഘോഷ പരിപാടികൾക്ക് തുടക്കമായത്.രാഷ്ട്രപതി രാംനാഥ്‌ കോവിന്ദിന്റെ റിപ്പബ്ലിക് ദിന സന്ദേശം അംബാസിഡർ വായിച്ചു.
ഖത്തറിൽ കോവിഡ് വ്യാപനം രൂക്ഷമായ ഘട്ടത്തിൽ പ്രവാസികൾക്ക് ആവശ്യമായ സഹായങ്ങൾ എത്തിക്കാനും നാട്ടിലേക്ക് മടങ്ങാനും അക്ഷീണം പരിശ്രമിച്ച ഇന്ത്യൻ എംബസിക്കു കീഴിലെ വിവിധ അപ്പെക്സ് ബോഡി നേതൃത്വത്തെ അംബാസിഡർ പ്രത്യേകം അഭിനന്ദിച്ചു.ഈ വർഷത്തെ പ്രവാസി ഭാരതീയ സമ്മാൻ പുരസ്‌കാരം നേടിയ ഡോ.മോഹൻ തോമസിനെ റിപ്പബ്ലിക് ദിന പ്രസംഗത്തിൽ അംബാസിഡർ അഭിനന്ദനം അറിയിച്ചു.
ദേശഭക്തി ഗാനങ്ങളുടെ അവതരണത്തിനു ശേഷം കേക്ക് മുറിച്ച് മധുരം പങ്കിട്ടാണ് ആഘോഷപരിപാടികൾക്ക് സമാപനം കുറിച്ചത്.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
