October 03, 2021
October 03, 2021
ദോഹ : റേഷൻ കാർഡുകൾ പോസ്റ്റൽ സംവിധാനം ഉപയോഗിച്ച് വീട്ടിലെത്തിക്കാനുള്ള സംവിധാനവുമായി ഖത്തർ വാണിജ്യ-വ്യവസായവകുപ്പ്. മന്ത്രാലയത്തിന്റെ സപ്ലൈ ഓഫീസിൽ നേരിട്ടെത്തി കാർഡ് വാങ്ങുന്ന പഴയ രീതിക്ക് ഇതോടെ മാറ്റമാകും. മന്ത്രാലയത്തിന്റെ ഔദ്യോഗിക വെബ്‌സൈറ്റിലൂടെ എടിഎം കാർഡ് ഉപയോഗിച്ചോ ക്രെഡിറ്റ്‌ കാർഡ് ഉപയോഗിച്ചോ ഇതിനുള്ള ഫീസ് അടയ്ക്കാം.
പോസ്റ്റൽ സർവീസിലൂടെ എത്തുന്ന കാർഡുകൾ ഉടമസ്ഥർ കൈപ്പറ്റിയില്ലെങ്കിൽ തിരികെ ഓഫീസിലേക്ക് മടങ്ങിയെത്തും. പുതിയ കാർഡിന് അപേക്ഷിക്കുന്നവർക്കും, കാണാതായതോ നഷ്ടപെട്ടതോ ആയ കാർഡുകൾ മാറ്റേണ്ടവർക്കും വെബ്‌സൈറ്റിൽ അപേക്ഷിക്കാനുള്ള സൗകര്യമുണ്ട്. റേഷൻ കാർഡ് ഇൻഷുറൻസ് ഫീസായ 50 റിയാൽ സൈറ്റ് വഴി തന്നെ അടയ്ക്കാനും സംവിധാനമുണ്ട്.
