April 14, 2022
April 14, 2022
ദോഹ : ഖത്തറിലെ വിദ്യാർത്ഥികൾക്കായി വിദ്യാഭ്യാസ മന്ത്രാലയം സജ്ജീകരിച്ച പ്രത്യേക റമദാൻ എക്സിബിഷൻ ആരംഭിച്ചു. മന്ത്രാലയത്തിന്റെ അഞ്ചാം നമ്പർ കെട്ടിടത്തിലാണ് മൂന്ന് ദിവസം നീണ്ടുനിൽക്കുന്ന പ്രദർശനം അരങ്ങേറുന്നത്. വിദ്യാഭ്യാസ മന്ത്രി ബുതൈന ബിൻത് അൽ അൽ ജാബിർ അൽ നുഐമിയാണ് എക്സിബിഷൻ ഉദ്ഘാടനം ചെയ്തത്.
വിവിധ പൊതുവിദ്യാലയങ്ങളിലെ വിദ്യാർത്ഥികൾ ഒരുക്കിയ സ്റ്റാളുകളിൽ മന്ത്രി സന്ദർശനം നടത്തുകയും, കുട്ടികളോട് കുശലാന്വേഷണത്തിൽ ഏർപ്പെടുകയും ചെയ്തു. വിശുദ്ധ റമദാനുമായി ബന്ധപ്പെട്ട, വൈവിധ്യമാർന്ന നിരവധി പവലിയനുകൾ ഒരുക്കിയ വിദ്യാർത്ഥികളെ മന്ത്രി അനുമോദിച്ചു. കുട്ടികളിലെ ക്രിയാത്മകത വളർത്താൻ ഇത്തരം പരിപാടികൾ സഹായിക്കുമെന്നും മന്ത്രി അഭിപ്രായപ്പെട്ടു. അടുത്ത മൂന്ന് ദിവസങ്ങളിലായി രാവിലെ 9 മണി മുതൽ ഉച്ചയ്ക്ക് 12 മണിവരെ എക്സിബിഷൻ തുറന്ന് പ്രവർത്തിക്കും.