December 30, 2021
December 30, 2021
ദോഹ : ദോഹയിലടക്കം രാജ്യത്തിന്റെ പല ഭാഗങ്ങളിലും മഴ പെയ്തു. അടുത്ത ആഴ്ചയുടെ പകുതിവരെ കാലാവസ്ഥ പ്രവചനാതീതമാണെന്നും, മഴ പെയ്യാൻ സാധ്യത ഉണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു. നേരിയ രീതിയിലുള്ള മഴയാണ് ലഭിച്ചതെങ്കിലും, അന്തരീക്ഷം മൂടിക്കെട്ടി നിൽക്കുന്നതിനാൽ കൂടുതൽ മഴ ലഭിച്ചേക്കുമെന്നാണ് നിഗമനം.
ഒറ്റപ്പെട്ട ഇടിമിന്നലിനും സാധ്യത ഉണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. മഴ പെയ്യുകയാണെങ്കിൽ റോഡുകളിൽ പാലിക്കേണ്ട നിർദേശങ്ങളെ കുറിച്ച് മന്ത്രാലയം ട്വീറ്റും പങ്കുവെച്ചു. ട്രാക്കുകൾക്കിടയിൽ മെല്ലെ യാത്ര ചെയ്യണമെന്നും, അമിത വേഗത ഒഴിവാക്കണമെന്നും നിർദേശമുണ്ട്. വാഹനങ്ങൾ കൃത്യമായ അകലം പാലിക്കണമെന്നും, ഹെഡ്ലൈറ്റുകൾ പ്രകാശിക്കുന്നുണ്ടെന്ന് ഉറപ്പുവരുത്തണമെന്നും അറിയിപ്പിൽ പറയുന്നു.
