October 21, 2021
October 21, 2021
ദോഹ: അടുത്ത വർഷം നടക്കുന്ന ലോകകപ്പ് ഫുട്‍ബോളിന് മുന്നോടിയായി ഖത്തറിൽ അരങ്ങേറുന്ന മറ്റൊരു ടൂർണമെന്റ് ആണ് അറബ് കപ്പ്. മിഡിൽ ഈസ്റ്റിലെ പ്രാധാനരാജ്യങ്ങളൊക്കെയും പങ്കെടുക്കുന്ന ടൂർണമെന്റിന്റെ ഉദ്‌ഘാടനമത്സരം സൗജന്യമായി വീക്ഷിക്കാൻ ഉപഭോക്താക്കൾക്ക് അവസരമൊരുക്കുകയാണ് ക്യുഎൻബി. ക്യുഎൻബി വിസാകാർഡുള്ളവരിൽ നിന്നും നറുക്കെടുപ്പിലൂടെ തിരഞ്ഞെടുക്കുന്ന എട്ട് പേർക്കാണ് അൽ തുമാമ സ്റ്റേഡിയത്തിലെ സ്കൈ ബോക്സിൽ ഇരുന്ന് മത്സരം വീക്ഷിക്കാനുള്ള സുവർണ്ണാവസരം.
ഫിഫ അറബ് കപ്പിന്റെ പ്രാദേശിക സപ്പോർട്ടറായ ക്യുഎൻബിയും, ഫിഫയുടെ ഔദ്യോഗിക പേയ്‌മെന്റ് സർവീസ് പാർട്ണറായ വിസയും ഒന്നിച്ചാണ് ഈ അവസരം ഒരുക്കുന്നത്. 2021 നവംബർ 15 വരെ ഉള്ള കാലയളവിൽ ക്യുഎൻബി വിസ ക്രെഡിറ്റ് കാർഡിലൂടെ 10000 റിയാൽ ചെലവഴിക്കുന്നവർക്കാണ് നറുക്കെടുപ്പിൽ അവസരം ലഭിക്കുക. പതിനായിരം റിയാലിന് മുകളിൽ ചെലവഴിക്കുന്ന ഓരോ നൂറ് റിയാലിനും നറുക്കെടുപ്പിലേക്ക് ഒരവസരം കൂടി ലഭിക്കും.
