July 14, 2021
July 14, 2021
ദോഹ : ഖത്തറിൽ കുടിയേറ്റ തൊഴിലാളികളുടെ അവകാശ ലംഘനങ്ങൾ ചൂണ്ടിക്കാട്ടി അന്താരാഷ്ട്ര തൊഴിൽ സംഘടന രംഗത്തെത്തി.രാജ്യത്തെ പ്രമുഖ ആഡംബര ഹോട്ടൽ ഗ്രൂപ്പിലെ വിദേശ തൊഴിലാളികളുടെ അവകാശങ്ങൾ ലംഘിച്ചെവെന്ന് കാണിച്ചാണ് ലണ്ടൻ ആസ്ഥാനമായുള്ള ബിസിനസ് ആന്റ് ഹ്യൂമൻ റൈറ്റ്സ് റിസോഴ്‌സ് സെന്റർ പരാതി നൽകിയത്.ഹോട്ടലിലെ തൊഴിലാളികൾ റിക്രൂട്ട്‌മെന്റ് ഫീസ്, വിവേചനം, പ്രതികാരം, ഭീഷണി എന്നിവ ഭയന്ന് ജോലിയിൽ കുടുങ്ങികിടക്കുകയാണെന്ന് റിസോഴ്‌സ് സെന്റർ ഇന്ന് പുറത്തുവിട്ട വാർഷിക സർവേ റിപ്പോർട്ടിൽ ചൂണ്ടിക്കാട്ടി.
അതേസമയം,തൊഴിൽ മേഖലയിലെ ഇത്തരം അവകാശലംഘനങ്ങൾ ഒരു തരത്തിലും അനുവദിക്കില്ലെന്നും ജയിൽ ശിക്ഷ ഉൾപ്പെടെയുള്ള നടപടികൾ ഇത്തരക്കാർ നേരിടേണ്ടിവരുമെന്നും ഖത്തർ ഗവണ്മെന്റ് കമ്യുണിക്കേഷൻ ഓഫീസ് പ്രതികരിച്ചു.
