October 04, 2021
October 04, 2021
ദോഹ: രണ്ട് വാക്സിനുകള്ക്ക് കൂടി നിബന്ധനകളോടെ അംഗീകാരം നല്കാന് ആരോഗ്യ മന്ത്രാലയം തീരുമാനം. സ്പുട്നിക്, സിനോവാക്ക് വാക്സിനുകളെയാണ് ഈ പട്ടികയില് പുതുതായി ഉള്പ്പെടുത്തിയത്. ഇത്തരം വാക്സിനെടുത്തവര്ക്ക് യാത്ര ചെയ്യുന്നതിന് മുമ്പ് ആന്റിബോഡി ടെസ്റ്റ് നടത്തി പോസിറ്റിവായ സര്ട്ടിഫിക്കറ്റ് കൈയില് കരുതണം. ഇതുവരെ സിനോഫാം വാക്സിന് മാത്രമായിരുന്നു നിബന്ധനകളോടെ അംഗീകാരം. അതേസമയം, സ്പുട്നിക്, സിനോവാക്, സിനോഫാം വാക്സിനുകളുടെ രണ്ട് ഡോസ് സ്വീകരിച്ചതിന് പുറമെ ഖത്തര് അംഗീകൃത ഫൈസര്, മൊഡേണ വാക്സിനുകളുടെ ഒരു ഡോസ് കൂടി സ്വീകരിച്ച് 14 ദിവസം പൂര്ത്തിയാക്കിയവരാണെങ്കില് ആന്റിബോഡി ടെസ്റ്റ് ആവശ്യമില്ല. ഫൈസര്, മൊഡേണ, അസ്ട്രസെനക (ഒക്സ്ഫഡ്, കോവിഷീല്ഡ്, വാക്സെറിയ), ജോണ്സന് ആന്ഡ് ജോണ്സന് എന്നിവയാണ് ഉപാധികളില്ലാതെ ഖത്തര് അംഗീകരിച്ച വാക്സിനുകള്.