May 05, 2022
May 05, 2022
അൻവർ പാലേരി
ദോഹ : ഖത്തറിൽ ലോകകപ്പിന് പന്തുരുളാൻ മാസങ്ങൾ മാത്രം അവശേഷിക്കെ,രാജ്യത്തെ ഫുട്‍ബോൾ ആരാധകരിൽ ആവേശം നിറക്കാൻ ലോകകപ്പ് ട്രോഫി ടൂറിന് ഇന്ന് തുടക്കമാവും.കാൽപന്ത് കളിയെ സ്നേഹിക്കുന്നവർക്ക് ലോകകപ്പ് ട്രോഫി നേരിൽ കാണാനുള്ള അവസരമാണ് ഇതിലൂടെ ലഭിക്കുക.രാജ്യത്തെ പ്രധാന ടൂറിസ്റ്റ് കേന്ദ്രങ്ങളായ ആസ്പയർ പാർക്ക്,ലുസൈൽ മറീന,സൂഖ് വാഖിഫ്,മുശൈരിബ്,ഡൌൺ ടൌൺ ദോഹ എന്നിവിടങ്ങളിലാണ് ലോകകപ്പ് ട്രോഫി പ്രദർശിപ്പിക്കുക.വൈകുന്നേരം 6 മുതൽ 9 വരെയായിരിക്കും പ്രദർശന സമയം.
പ്രദർശന സ്ഥലങ്ങളും സമയവും
മെയ് 5 വ്യാഴം : ആസ്പയർ പാർക്ക്
മെയ് 6 വെള്ളി : ഇൻഡസ്ട്രിയൽ ഏരിയ-ക്രിക്കറ്റ് സ്‌റ്റേഡിയം
മെയ് 7 ശനി : ലുസൈൽ മറീന
മെയ് 8 ഞായർ : സൂഖ് വാഖിഫ്
മെയ് 9 തിങ്കൾ : മുശൈരിബ് ഡൌൺ ടൌൺ
നിരവധി ഫുട്‍ബോൾ താരങ്ങളും ഉന്നത വ്യക്തിത്വങ്ങളും ട്രോഫി പ്രദർശന സ്ഥലങ്ങളിൽ സന്നിഹിതരാവും. ദോഹയിലെ പ്രദർശനം പൂർത്തിയാക്കി ലോക ടൂറിനായി കൊണ്ടുപോകുന്ന ട്രോഫി ലോകകപ്പ് മത്സരങ്ങളുടെ ആദ്യദിനമായ നവംബർ 21 നാണ് ദോഹയിൽ തിരിച്ചെത്തുക.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
