April 01, 2022
April 01, 2022
ദോഹ : വേവിങ് ഫ്ലാഗ്, വക്കാ വക്കാ തുടങ്ങിയ ലോകകപ്പ് ഹിറ്റുകളിലേക്ക് ഖത്തറിന്റെ 'ഹയ്യാ ഹയ്യാ' ഗാനവും. ലോകകപ്പിന് മുന്നോടിയായി ഫിഫ ഔദ്യോഗികമായി പുറത്തിറക്കിയ ആദ്യഗാനത്തിന് മികച്ച പ്രതികരണമാണ് ലഭിക്കുന്നത്. മൂന്നരമിനിറ്റോളം നീണ്ടുനിൽക്കുന്ന ഗാനത്തിൽ, ലോകം ഒറ്റക്കെട്ടായി ഒന്നിച്ചുനിൽക്കേണ്ടതിന്റെ പ്രാധാന്യമാണ് നിഴലിക്കുന്നത്.
https://youtu.be/vyDjFVZgJoo
അമേരിക്കൻ ഗായകൻ ട്രിനിഡാഡ് കാർഡോണ, ആഫ്രിക്കൻ ചടുലസംഗീതത്തിന്റെ ഐക്കൺ ഡേവിഡോ എന്നിവർക്കൊപ്പം, ഖത്തറി ഗായിക ഐഷയും ചേർന്നാണ് ഗാനം ആലപിച്ചിരിക്കുന്നത്. ഖത്തറിന്റെ തനത് ഭൂപ്രകൃതിയും, കഴിഞ്ഞ ലോകകപ്പുകളിലെ സുന്ദരനിമിഷങ്ങളും ദൃശ്യങ്ങളിൽ മനോഹരമായി സമന്വയിപ്പിച്ചിട്ടുണ്ട്.
