August 23, 2021
August 23, 2021
ദോഹ : ഒരു ഡോസെങ്കിലും വാക്സിൻ പൗരന്മാർക്ക് നൽകിയ രാജ്യങ്ങളുടെ ലോക പട്ടികയിൽ ഖത്തറിന് രണ്ടാം സ്ഥാനം. "അവർ വേൾഡ് ഇൻ ഡാറ്റ" എന്ന ഓൺലൈൻ പബ്ലിക്കേഷനാണ് ഈ വിവരം പുറത്തുവിട്ടത്. ഒരു മില്യണിൽ അധികം ജനസംഖ്യയുള്ള രാജ്യങ്ങളെയാണ് പട്ടികയിൽ പെടുത്തിയത്. കോവിഡ് വാക്സിനേഷൻ ആരംഭിച്ച ശേഷം ഇതുവരെ 42,30,000 ഡോസ് വാക്സിൻ നൽകിയതായി ആരോഗ്യമന്ത്രാലയം അറിയിച്ചു. ഖത്തറിന്റെ ജനസംഖ്യയുടെ 79.8 ശതമാനം ആളുകൾ ഒരു ഡോസെങ്കിലും വാക്സിൻ സ്വീകരിച്ചു കഴിഞ്ഞു. പോർച്ചുഗലാണ് ലിസ്റ്റിൽ ഒന്നാമത്.
അതേ സമയം, രണ്ട് ഡോസ് വാക്സിനുകളും നൽകിയ രാജ്യങ്ങളുടെ ശതമാനക്കണക്കിൽ ഖത്തർ അഞ്ചാം സ്ഥാനത്താണ്. ജനസംഖ്യയുടെ 68.9 ആളുകൾ രണ്ട് ഡോസ് വാക്സിനും സ്വീകരിച്ചു കഴിഞ്ഞു. നേരിയ ശതമാനം ആളുകൾ ഇപ്പോഴും വാക്സിൻ സ്വീകരിക്കാൻ വിമുഖത കാണിക്കുന്നുണ്ടെന്നും, ഈ മഹാമാരിയെ തുരത്താൻ ഏവരും ഒറ്റക്കെട്ടായി മുന്നോട്ട് വരണമെന്നും ആരോഗ്യമന്ത്രാലയം അപേക്ഷിച്ചു.
ന്യൂസ്‌റൂം വാർത്തകൾ വായിക്കാൻ ഈ ലിങ്കിൽ ക്ലിക്ക് ചെയ്ത് വാട്സ്ആപ് ഗ്രൂപ്പിൽ ചേരുക.
