November 18, 2021
November 18, 2021
ദോഹ : രാജ്യത്തെ ജനസംഖ്യയുടെ ബഹുഭൂരിഭാഗം ജനങ്ങളും രണ്ട് ഡോസ് വാക്സിനുകൾ സ്വീകരിച്ചിട്ടും അനുദിനം പുതിയ കോവിഡ് കേസുകൾ റിപ്പോർട്ട് ചെയ്യപ്പെടുകയാണ് ഖത്തറിൽ. ഇതേ തുടർന്ന്, ബൂസ്റ്റർ ഡോസ് നൽകാനുള്ള നീക്കങ്ങൾ ആരംഭിച്ചതായി അധികൃതർ പ്രഖ്യാപിച്ചു കഴിഞ്ഞു.
രണ്ടാം ഡോസ് സ്വീകരിച്ച് ആറുമാസം പൂർത്തിയായ ആളുകൾ എത്രയും പെട്ടെന്ന് ബൂസ്റ്റർ ഡോസ് എടുക്കണമെന്ന അപേക്ഷയുമായി എത്തിയിരിക്കുകയാണ് വാക്സിനേഷൻ വിഭാഗത്തിന്റെ മേധാവിയായ ഡോക്ടർ സോഹ അൽ ബയാത്ത്. ആരോഗ്യമന്ത്രാലയത്തിന്റെ ഔദ്യോഗിക ട്വിറ്റർ ഹാന്റിലിൽ പങ്കുവെച്ച വീഡിയോയിലൂടെയാണ് ഡോക്ടർ ബൂസ്റ്റർ വാക്സിൻ സ്വീകരിക്കാൻ ആഹ്വാനം ചെയ്തത്. വാക്സിനേഷൻ പ്രക്രിയയിൽ ലോകനിലവാരത്തിൽ ആണ് ഖത്തർ പ്രവർത്തിച്ചതെങ്കിലും ഇനിയുമേറെ കാര്യങ്ങൾ ചെയ്ത് തീർക്കാനുണ്ടെന്നാണ് ഡോക്ടർ അഭിപ്രായപ്പെട്ടത്.