February 25, 2022
February 25, 2022
ദോഹ : വിദേശരാജ്യങ്ങളെ ഗ്രീൻ, റെഡ്, എക്സെപ്ഷണൽ റെഡ് എന്നിങ്ങനെ തരം തിരിക്കുന്ന കോവിഡ് യാത്രാ മാനദണ്ഡം അവസാനിപ്പിച്ചതായി പൊതുജനാരോഗ്യമന്ത്രാലയം അറിയിച്ചു. ഇനി മുതൽ 'സ്റ്റാൻഡേർഡ് ഹെൽത്ത്', 'റെഡ് ഹെൽത്ത്' എന്നിങ്ങനെ രണ്ട് പട്ടികയായാണ് ഇനി രാജ്യങ്ങളെ വേർതിരിക്കുക.
മുൻപ് എക്സെപ്ഷണൽ റെഡ് ലിസ്റ്റിലായിരുന്ന ഇന്ത്യയെ 'റെഡ് ഹെൽത്ത്' കാറ്റഗറിയിൽ ആണ് ഉൾപ്പെടുത്തിയിരിക്കുന്നത്. ഇന്ത്യയെ കൂടാതെ ഈജിപ്ത്, ബംഗ്ലാദേശ്, ജോർജിയ, നേപ്പാൾ, പാകിസ്ഥാൻ, ഫിലിപൈൻസ്, ശ്രീലങ്ക, ജോർദാൻ തുടങ്ങിയ രാജ്യങ്ങളാണ് റെഡ് ഹെൽത്ത് ലിസ്റ്റിലുള്ളത്. വാക്സിനെടുത്തവർക്ക് കൊറന്റൈൻ, പീസീആർ ടെസ്റ്റ്‌ തുടങ്ങിയ മാനദണ്ഡങ്ങളിൽ ഖത്തർ ഇളവ് പ്രഖ്യാപിച്ചിരുന്നു. ഫെബ്രുവരി 28 മുതലാണ് പുതിയ മാനദണ്ഡം പ്രാബല്യത്തിൽ വരിക.
