August 24, 2021
August 24, 2021
ദോഹ: കോവിഡ് വ്യാപനത്തെ തുടർന്ന് വിമാനയാത്രക്കാരുടെ പ്രവേശനം നിയന്ത്രിക്കാനായി ഏർപ്പെടുത്തിയ പട്ടികയിൽ ഖത്തർ ആരോഗ്യ മന്ത്രാലയം മാറ്റങ്ങൾ വരുത്തി. പുതുക്കിയ ഉത്തരവ് പ്രകാരം ഗ്രീൻ ലിസ്റ്റിൽ പെട്ട രാജ്യങ്ങളുടെ എണ്ണം 21 ൽ നിന്നും 11 ആയി. മുമ്പ് 33 രാജ്യങ്ങൾ ഉണ്ടായിരുന്ന യെല്ലോ ലിസ്റ്റിൽ ഇപ്പോൾ 27 രാജ്യങ്ങൾ ആണുള്ളത്.
കർശനനിയന്ത്രണങ്ങൾ ഉള്ള റെഡ് ലിസ്റ്റിൽ ആണ് ഏറ്റവും അധികം രാജ്യങ്ങൾ ഉൾപെട്ടിട്ടുള്ളത്. 153 രാജ്യങ്ങൾ ആണ് ആദ്യം ഈ ഗണത്തിൽ ഉൾപെട്ടതെങ്കിൽ, പുതിയ പട്ടികയിൽ 167 രാജ്യങ്ങളുണ്ട്. അതേസമയം ഇന്ത്യ, നേപ്പാൾ, പാക്കിസ്ഥാൻ, ശ്രീലങ്ക, ബംഗ്ലാദേശ്, ഫിലിപ്പൈൻസ് എന്നീ ഏഷ്യൻ രാജ്യങ്ങളെ ഒരു ലിസ്റ്റിലും ഉൾപ്പെടുത്തിയിട്ടില്ല.
നിലവിൽ ഇന്ത്യയിൽ നിന്നും വാക്സിൻ സ്വീകരിച്ച് വരുന്നവർക്കും ഹോട്ടൽ കൊറന്റൈൻ നിര്ബന്ധമാണ്.
ഗൾഫിലെ പ്രധാന വാർത്തകൾ വാട്സപ്പിൽ ലഭിക്കുവാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക.പരസ്യങ്ങൾക്ക് 00974 66200167 എന്ന വാട്സ്ആപ് നമ്പറിൽ ബന്ധപ്പെടുക.