May 20, 2021
May 20, 2021
ദോഹ: കോവിഡ് വ്യാപനത്തിന്റെ പശ്ചാത്തലത്തിൽ കൊറോണ വൈറസ് പ്രതിരോധശേഷിയുള്ള കറൻസി നോട്ടുകൾ അച്ചടിക്കാൻ ഖത്തർ ഒരുങ്ങുന്നതായി ഖത്തർ സെൻട്രൽ ബാങ്ക് വൃത്തങ്ങൾ അറിയിച്ചു.എല്ലാ വിധ അണുക്കൾക്കും വൈറസുകൾക്കുമെതിരെ പ്രതിരോധശേഷിയുള്ള നോട്ടുകൾ അച്ചടിക്കാൻ മികച്ച ഗുണനിലവാരമുള്ള കടലാസ് ലഭ്യമാക്കുന്നതിനായി ബാങ്ക് ചർച്ചകൾ നടത്തിവരികയാണെന്ന് ഖത്തർ സെൻട്രൽ ബാങ്കിലെ ബാങ്കിംഗ്, ഇഷ്യു സെക്ടർ എക്സിക്യൂട്ടീവ് ഡയറക്ടർ മുഹമ്മദ് ജാസിം അൽ കുവാരി പറഞ്ഞു.
പ്രചാരത്തിലുള്ള നിലവിലെ നോട്ടുകൾ അണുക്കളെ പ്രതിരോധിക്കുന്നവയാണെന്നും എന്നാൽ ഉയർന്ന നിലവാരമുള്ള കടലാസ് ലഭിക്കാൻ സെൻട്രൽ ബാങ്ക് ശ്രമിക്കുകയാണെന്നും പ്രാദേശിക അറബി മാധ്യമങ്ങളോട് അൽ കുവാരി പറഞ്ഞു.ഇത് നടപ്പിലായാൽ കൊറോണാ വിമുക്തമായ നോട്ടുകൾ ലഭിക്കുന്ന മേഖലയിലെ ആദ്യ രാജ്യമായി ഖത്തർ മാറും.
2022 ഫിഫ ലോകകപ്പിനുള്ള സ്മാരക നാണയങ്ങൾ ഈ വർഷാവസാനത്തോടെ പുറത്തിറങ്ങുമെന്നും അദ്ദേഹം പറഞ്ഞു.
നാലാം പതിപ്പിൽ നിന്ന് 20 ബില്യൺ റിയാൽ മൂല്യമുള്ള നോട്ടുകൾ വിപണിയിൽ നിന്ന് പിൻവലിച്ചു നശിപ്പിച്ചതായും ഈ വർഷം ജനുവരി മുതൽ 11 ബില്ല്യൺ റിയാൽ വിലയുള്ള നോട്ടുകൾ നശിപ്പിച്ചതായും അദ്ദേഹം പറഞ്ഞു.
ന്യൂസ്‌റൂം വാട്സ്ആപ് ഗ്രൂപ്പിൽ പുതുതായി ചേരാൻ
https://chat.whatsapp.com/DwYqZdMYXUCGOpYy8tmMSU
