May 11, 2022
May 11, 2022
ദോഹ:ഇസ്രായേല്‍ സ്പോണ്‍സര്‍ ചെയ്യുന്ന ഭരണകൂട ഭീകരതയുടെ തെളിവാണ് അൽജസീറ മാധ്യമപ്രവര്‍ത്തകയുടെ വധമെന്ന് ഖത്തര്‍ വിദേശകാര്യ മന്ത്രലായം പുറത്തിറക്കിയ പ്രസ്താവനയില്‍ കുറ്റപ്പെടുത്തി.ഉപാധികളില്ലാതെ ഇസ്രായേലിന് ലോകരാജ്യങ്ങള്‍ നല്‍കുന്ന പിന്തുണ അവസാനിപ്പിക്കണമെന്നും
സ്വതന്ത്രമായി പ്രവര്‍ത്തിക്കുന്ന മാധ്യമപ്രവര്‍ത്തകര്‍ക്കെതിരായ അതിക്രമത്തെ, ഹീനമായ കുറ്റകൃത്യമായും അന്താരാഷ്ട്ര മാനുഷിക നിയമങ്ങളുടെ ലംഘനമായും കണക്കാക്കണം. മാധ്യമസ്വാതന്ത്ര്യത്തിനും അഭിപ്രായ സ്വാതന്ത്ര്യത്തിനും വിവരങ്ങള്‍ അറിയാനുള്ള പൊതുജനങ്ങളുടെ അവകാശത്തിനും മേലുള്ള കടന്നുകയറ്റമാണ് ഷിറീന്‍ അബു ആഖിലയുടെ വധമെന്നും ഖത്തര്‍ വിദേശകാര്യ മന്ത്രാലയം വ്യക്തമാക്കി.
Israeli occupation killed Aljazeera journalist Sherine Abu Aqleh by shooting her in the face while wearing the Press vest and a helmet. She was covering their attack in Jenin refugee camp. This state sponsored Israeli terrorism must STOP, unconditional support to Israel must END. pic.twitter.com/Zg5QZkJ2bx
— لولوة الخاطر Lolwah Alkhater (@Lolwah_Alkhater) May 11, 2022
ഫലസ്തീനികള്‍ക്കും, മാധ്യമപ്രവര്‍ത്തകര്‍ക്കുമെതിരായ അക്രമങ്ങള്‍ തടയാന്‍ ആവശ്യമായ അടിയന്തര നടപടി സ്വീകരിക്കണമെന്ന് അന്താരാഷ്ട്ര സമൂഹത്തോട് ആവശ്യപ്പെടുകയും ചെയ്തു.
വെസ്റ്റ്ബാങ്കില്‍ ഇസ്രായേല്‍ സൈന്യം നടത്തിയ വെടിവെപ്പില്‍ അല്‍ജസീറ ചാനലിന്‍റെ മുതിര്‍ന്ന മാധ്യമപ്രവര്‍ത്തക ഷിറീന്‍ അബു ആഖില കൊല്ലപ്പെട്ട സംഭവത്തെ ശക്തമായ ഭാഷയിലാണ് ഖത്തര്‍ അപലപിച്ചത്.
പ്രസ് ജാക്കറ്റ് ധരിച്ച്‌ സംഘര്‍ഷ മേഖലയില്‍ ജോലിചെയ്ത മാധ്യമപ്രവര്‍ത്തകയാണ് വെടിയേറ്റ് കൊല്ലപ്പെട്ടതെന്ന് ഖത്തര്‍ വിദേശകാര്യസഹമന്ത്രി ലുല്‍വ റാഷിദ് അല്‍ഖാതിര്‍ ട്വീറ്റ് ചെയ്തു. പൗരന്മാര്‍ക്കെതിരായ സൈന്യത്തിന്‍റെ കടന്നുകയറ്റമാണ് ഇത് സൂചിപ്പിക്കുന്നതെന്നും അവര്‍ വ്യക്തമാക്കി. 'ദുര്‍ഘടമായ സാഹചര്യങ്ങളിലും ഫലസ്തീനികളുടെ ശബ്ദമായിരുന്നു ഷിറീന്‍. അവരുടെ വേര്‍പാടില്‍ കടുത്ത ദുഖവും അനുശോചനവും അറിയിക്കുന്നു' -ഖത്തര്‍ വിദേശകാര്യ സഹമന്ത്രി വ്യക്തമാക്കി.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
