October 07, 2021
October 07, 2021
ദോഹ : അംഗീകൃത ലൈസൻസുള്ള ടൂർ ഓപ്പറേറ്റർമാർക്ക് ഉംറാ തീർത്ഥാടനത്തിനുള്ള നടപടിക്രമങ്ങൾ ആരംഭിക്കാമെന്ന് അധികൃതർ വ്യക്തമാക്കി. ഹജ്ജ് ഉംറ മന്ത്രാലയത്തിന്റെ തലവൻ അലി സുൽത്താൻ അൽ മിസിഫിരിയാണ് ഖത്തർ ടീവിക്ക് നൽകിയ അഭിമുഖത്തിനിടെ ഇക്കാര്യം വ്യക്തമാക്കിയത്.
പ്രവാസികൾക്കും അംഗീകൃത ഏജൻസികൾ വഴി ഉംറക്ക് രജിസ്റ്റർ ചെയ്യാം. മുഖീം പോർട്ടലിലൂടെയാണ് ഇതിനായുള്ള അപേക്ഷ നൽകേണ്ടത്. ഒപ്പം തവക്കൽന, ഈറ്റ്മാർന എന്നീ ആപ്പുകളിൽ രജിസ്റ്റർ ചെയ്യുകയും വേണം. ശേഷം, ഇനായ ഓഫീസിലെത്തി "ഇ ബ്രേസ്‌ലെറ്റ്" വാങ്ങുകയും വേണം. ഈ ബ്രേസ്‌ലെറ്റ് കൈവശമുണ്ടെങ്കിൽ മാത്രമേ ഉംറ കർമ്മങ്ങൾ നിർവഹിക്കാനും, മസ്ജിദുൽ ഹറമിൽ നിസ്കരിക്കുവാനും സാധിക്കുകയുള്ളൂ. തീർത്ഥാടകരുടെ സൗകര്യത്തിനായി മക്കയിലെ പത്തോളം ഹോട്ടലുകളിൽ ഇനായ ഓഫീസുകൾ തയ്യാറാക്കിയിട്ടുണ്ടെന്നും അൽ മിസിഫിരി അറിയിച്ചു.
