May 19, 2022
May 19, 2022
ദോഹ: ഖത്തറിൽ കോവിഡ് ബാധിതരുടെ എണ്ണം ഗണ്യമായി കുറഞ്ഞതിനാൽ പ്രതിദിന കണക്കുകൾ ഇനി സമൂഹമാധ്യമങ്ങളിൽ പ്രസിദ്ധീകരിക്കില്ലെന്ന് ആരോഗ്യമന്ത്രാലയം അറിയിച്ചു.മെയ് 22 ഞായറാഴ്ച മുതൽ ആഴ്ചയിൽ ഒരിക്കൽ മാത്രമായിരിക്കും കോവിഡ് കണക്കുകൾ ട്വിറ്റർ തുടങ്ങിയ സമൂഹ മാധ്യമങ്ങളിലൂടെ പുറത്തുവിടുകയെന്നും ആരോഗ്യ മന്ത്രാലയം വ്യക്തമാക്കി.
അതേസമയം ആരോഗ്യ മന്ത്രാലയത്തിന്റെ വെബ്സൈറ്റിൽ എല്ലാ ദിവസവും കോവിഡ് കണക്കുകൾ അപ്ഡേറ്റ് ചെയ്യുമെന്നും മന്ത്രാലയം അറിയിച്ചു.
രാജ്യത്ത് കോവിഡ് കേസുകൾ ഗണ്യമായി കുറഞ്ഞതിന്റെ പശ്ചാത്തലത്തിലാണ് തീരുമാനം. കോവിഡ് നിയന്ത്രണങ്ങളില്ലാതെ ചെറിയ പെരുന്നാൾ ആഘോഷങ്ങൾ നടന്നെങ്കിലും കേസുകളിൽ വർദ്ധനവ് ഉണ്ടായില്ല എന്നതും ആശ്വാസം നൽകുന്നു.
മെയ് 30 മുതൽ എല്ലാ തിങ്കളാഴ്ചയും സമൂഹ മാധ്യമങ്ങളിൽ കഴിഞ്ഞ ആഴ്ചയിലുള്ള കോവിഡ് കണക്കുകൾ പ്രസിദ്ധീകരിയ്ക്കും. ഉയർന്ന വാക്സിനേഷൻ നിരയ്ക്കും ജനങ്ങളുടെ സഹകരണവുമാണ് രാജ്യത്ത് കോവിഡ് വ്യാപനം പിടിച്ചുകെട്ടാൻ സഹായിച്ചതെന്നാണ് മന്ത്രാലയത്തിന്റെ വിലയിരുത്തൽ.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക