March 19, 2022
March 19, 2022
ദോഹ : കന്നിക്കിരീടം തേടി ഇന്ത്യൻ സൂപ്പർ ലീഗ് ഫൈനലിനിറങ്ങുന്ന കേരളാ ബ്ലാസ്റ്റേഴ്സിനായി ആർപ്പുവിളിക്കാൻ ഖത്തർ മഞ്ഞപ്പടയും. ആരാധകർക്ക് ഒന്നിച്ചിരുന്ന് കളി കാണാൻ അൽ റയ്യാൻ പ്രൈവറ്റ് സ്കൂളിന്റെ ഇൻഡോർ സ്റ്റേഡിയത്തിൽ എൽ.ഇ.ഡി ബിഗ് സ്ക്രീൻ സജ്ജമാക്കും. ഞായറാഴ്ച വൈകുന്നേരം, ഖത്തർ സമയം വൈകീട്ട് അഞ്ച് മണിക്കാണ് മത്സരം.
പ്രദർശനത്തിന് പ്രവേശനം സൗജന്യമായിരിക്കുമെന്നും, കുടുംബങ്ങൾക്ക് പ്രത്യേക സൗകര്യം ഒരുക്കുമെന്നും സംഘാടകർ അറിയിച്ചു. പ്രദർശനവേദിയിൽ ആവേശത്തിന്റെ അലയൊലികൾ തീർക്കാൻ, ഖത്തർ മഞ്ഞപ്പടയുടെ ബാൻഡ് സംഘത്തിന്റെ സാനിധ്യവും ഉണ്ടായിരിക്കും. കരുത്തരായ ഹൈദരാബാദ് എഫ്.സി യാണ് ഗോവയിൽ നടക്കുന്ന ഫൈനലിൽ ബ്ലാസ്റ്റേഴ്സിന്റെ എതിരാളികൾ.