November 13, 2021
November 13, 2021
ദുബൈ : എക്സ്പോയിലെ ഇന്ത്യൻ പവലിയനിൽ ഒരുക്കിയ ഇന്ത്യ-ജിസിസി ബിസിനസ് കോൺഫറൻസിൽ ഖത്തർ പ്രതിനിധി പങ്കെടുത്തു. കമ്മീഷണർ ജനറൽ നാസർ ബിൻ മുഹമ്മദ്‌ അൽ മുഹന്നദിയുടെ നേതൃത്വത്തിലുള്ള സംഘമാണ് പരിപാടിയിൽ സാന്നിധ്യമറിയിച്ചത്. ഇന്ത്യക്കും ഖത്തറിനും ഇടയിലുള്ള കച്ചവട, നിക്ഷേപ, വ്യവസായ സാധ്യതകളെ കുറിച്ചാണ് കോൺഫറൻസിൽ ചർച്ച നടന്നത്. നാഷണൽ വിഷൻ 2030 യിലേക്കുള്ള ഖത്തറിന്റെ യാത്രയെ വിശദമായി വിവരിക്കുന്ന പ്രത്യേകവേദിയാണ് എക്സ്പോയിൽ ഖത്തർ ഒരുക്കിയിട്ടുള്ളത്. അടുത്ത വർഷം നടക്കാനിരിക്കുന്ന ഫുട്ബോൾ ലോകകപ്പ് അടക്കമുള്ള പ്രോജക്ടുകളുടെ ബ്ലൂ പ്രിന്റും പവലിയനിൽ തയ്യാറാക്കിയിട്ടുണ്ട്. ഒപ്പം, രാജ്യത്തെത്തുന്ന നിക്ഷേപകർക്കുള്ള അവസരങ്ങളെ പറ്റി വിശദമായി അറിയാനും പവലിയനിൽ സൗകര്യമുണ്ട്.
