November 26, 2021
November 26, 2021
ദോഹ : ലോക പൈതൃകകമ്മിറ്റിയിലേക്ക് നടന്ന തിരഞ്ഞെടുപ്പിൽ ഖത്തറിന് വിജയം. പങ്കെടുത്ത രാജ്യങ്ങളിൽ ഏറ്റവും അധികം വോട്ട് നേടിയാണ് (114) ഖത്തർ കമ്മിറ്റിയിൽ ഇടം നേടിയത്. 2021-2025 കാലയളവിലേക്കാണ് ഖത്തറിന് അംഗത്വം ലഭിക്കുക.
വേൾഡ് ഹെറിറ്റേജ് കൺവെൻഷന്റെ നാല്പത്തിഒന്നാം സമ്മേളനത്തിലാണ് ഖത്തറിനെ അംഗമായി തിരഞ്ഞെടുത്തത്. 114 വോട്ടുമായി ഖത്തർ ഒന്നാമതെത്തിയപ്പോൾ ബെൽജിയത്തിന് നൂറ്റിമൂന്നും സാമ്പിയക്ക് നൂറും വോട്ടുകൾ ലഭിച്ചു. ലോക പൈതൃക കമ്മിറ്റിയിൽ അംഗത്വം ലഭിച്ചതിൽ ഏറെ സന്തോഷമുണ്ടെന്നായിരുന്നു യുനെസ്‌കോയുടെ ഖത്തർ പ്രതിനിധിയായ നാസർ ബിൻ ഹമദ് അൽ ഹൻസാബിന്റെ പ്രതികരണം.
