October 13, 2021
October 13, 2021
ദോഹ : ഖത്തറിലെ വയോധികർക്ക് പുതിയ കാലത്തെ സാങ്കേതികവിദ്യകളിൽ പരിശീലനം നേടാൻ അവസരം. മുതിർന്ന പൗരന്മാരുടെ ക്ഷേമത്തിനായി പ്രവർത്തിക്കുന്ന ഇഹ്സാൻ സംഘടനയും, സാമൂഹിക സേവനത്തിനുള്ള ഖത്തർ ഫൗണ്ടേഷനും ഒന്നിച്ചു കൈകോർത്താണ് ഈ പദ്ധതി ആവിഷ്കരിച്ചത്.
മുതിർന്ന പൗരന്മാരെ സ്മാർട്ട് ഫോൺ അടക്കമുള്ള ഉപകരണങ്ങൾ ഉപയോഗിക്കാൻ പഠിപ്പിക്കുക എന്നതാണ് പദ്ധതിയുടെ പ്രഥമലക്ഷ്യം. അനുദിനം പരിണമിക്കുന്ന ലോകത്തിന്റെ വേഗത്തിനൊപ്പം ഓടിയെത്താൻ വയോധികരെ പ്രാപ്തരാക്കാൻ ഇതുവഴി കഴിയുമെന്നാണ് ഇഹ്സാന്റെ പ്രതീക്ഷ. അറുപത് പിന്നിട്ട സ്ത്രീകൾക്കും പുരുഷന്മാർക്കും ഈ സേവനം ഉപയോഗിക്കാം. ഒക്ടോബർ 27 വരെ ഈ സംവിധാനം നിലവിലുണ്ടാവുമെന്നും ബന്ധപ്പെട്ട അധികൃതർ അറിയിച്ചു.