April 24, 2021
April 24, 2021
ദോഹ :ഖത്തറിൽപ്രതിദിന കോവിഡ് നിരക്ക് വീണ്ടും കുറഞ്ഞു.കഴിഞ്ഞ ആഴ്ച തുടക്കത്തിലെ ദിവസങ്ങളെ അപേക്ഷിച്ച് മരണനിരക്കിലും കുറവുണ്ടായിട്ടുണ്ട്. കഴിഞ്ഞ 24 മണിക്കൂറിനിടെ കോവിഡ് ബാധിച്ച് ചികിത്സയിലായിരുന്ന 5 പേരാണ് മരിച്ചത്.
45, 56, 59,69,69 വയസ്സുള്ളവരാണ് ഇന്ന് മരണപ്പെട്ടതെന്ന് ആരോഗ്യമന്ത്രാലയം അറിയിച്ചു. ഇതിൽ രണ്ടു പേർ മലയാളികളാണ്.ജമാൽ,അശോകൻ എന്നിവരാണ് കഴിഞ്ഞ 24 മണിക്കൂറിനിടെ കോവിഡ് ബാധിച്ച് മരിച്ച മലയാളികൾ.കർണാടക സ്വദേശിയായ അഷ്റഫും മരിച്ചവരിൽ ഉൾപെടും. .രാജ്യത്ത് കോവിഡ് ബാധിച്ചു മരണപ്പെട്ടവരുടെ എണ്ണം 412 ആയി.
718 പുതിയ കേസുകളാണ് റിപ്പോർട്ട് ചെയ്തത്.ഇതിൽ 553 പേർക്ക് സമ്പർക്കത്തിലൂടെയാണ് രോഗം ബാധിച്ചത്. 165 പേർ വിദേശ യാത്ര കഴിഞ്ഞു രാജ്യത്ത് തിരിച്ചെത്തിയവരാണ്. 21,104 പേരാണ് ഇനി ചികിത്സയിലുള്ളത്.
1,513 പേരാണ് രോഗമുക്തി നേടിയത്.ഇതോടെ ആകെ രോഗമുക്തി നേടിയവർ 179,974. ആയി.
18പേരെയാണ് പുതുതായി ഐസിയുവിൽ പ്രവേശിപ്പിച്ചത്.ഇതോടെ ഗുരുതരാവസ്ഥയിൽ തുടരുന്നവരുടെ എണ്ണം 435 ആയി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
