April 26, 2021
April 26, 2021
അൻവർ പാലേരി
ദോഹ : ഖത്തറിലേക്ക് വരുന്ന എല്ലാ ഇന്ത്യക്കാർക്കും വീണ്ടും ഹോട്ടൽ കൊറന്റൈൻ നിർബന്ധമാക്കി.ഇന്ത്യയിൽ നിന്ന് കോവിഷീൽഡ് വാക്സിനെടുത്തു വരുന്നവർക്ക് ഹോട്ടൽ കൊറന്റൈനിൽ അനുവദിച്ചിരുന്ന ഇളവാണ് റദ്ദാക്കിയത്. ഇന്ന് (ഏപ്രിൽ 26,തിങ്കളാഴ്ച) ഹമദ് മെഡിക്കൽ കോർപറേഷനിലെ പ്രോട്ടോക്കോൾ ഹ്യുമൻ റിസോഴ്സ് മേധാവി ഡോ.ഫാത്തിമാ ഹൈദർ പുറപ്പെടുവിച്ച പ്രത്യേക ഉത്തരവിലാണ് ഇക്കാര്യം പറയുന്നത്.ഉത്തരവിന്റെ പകർപ്പ് ന്യൂറൂമിന് ലഭിച്ചു.
ഇന്ത്യ,പാക്കിസ്ഥാൻ,ബംഗ്ലാദേശ്,നേപ്പാൾ,ഫിലിപ്പൈൻസ് എന്നീ രാജ്യങ്ങളിൽ നിന്ന് ഖത്തറിലേക്ക് വരുന്ന എല്ലാ യാത്രക്കാർക്കും ഉത്തരവ് ബാധകമായിരിക്കും..നേരത്തെ ഹോട്ടൽ കൊറന്റൈനിൽ അനുവദിച്ചിരുന്ന എല്ലാ ഇളവുകളും റദ്ദാക്കി എന്നാണ് ഉത്തരവിൽ പറയുന്നത്.അതേസമയം,ഖത്തറിൽ നിന്ന് വാക്സിൻ സ്വീകരിച്ച ശേഷം നാട്ടിലേക്ക് പോയി തിരിച്ചു വരുന്നവരുടെ കാര്യത്തിൽ ഇനിയും കൃത്യമായ വിശദീകരണം ലഭിക്കേണ്ടതുണ്ട്.
ഇന്ത്യയിൽ കോവിഡ് കേസുകൾ പ്രതിദിനം വർധിച്ചു വരുന്ന സാഹചര്യത്തിലാണ് ഖത്തർ ആരോഗ്യ മന്ത്രാലയം തീരുമാനത്തിൽ മാറ്റം വരുത്തിയത്.
(കൂടുതൽ വിവരങ്ങൾ ഉടൻ ....)
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക