February 04, 2022
February 04, 2022
ദോഹ : ഏറെ നാളുകളുടെ ഇടവേളയ്ക്ക് ശേഷം ഖത്തറിലെ പ്രതിദിന കോവിഡ് കേസുകൾ ആയിരത്തിലും താഴെയായി. ഇന്ന് 997 പേർക്കാണ് ഖത്തറിൽ കോവിഡ് ബാധയുണ്ടായത്. സമ്പർക്കത്തിലൂടെ 792 പേർക്ക് കോവിഡ് പിടിപെട്ടപ്പോൾ, 205 പേർ വിദേശത്ത് നിന്നും എത്തിയവരാണ്. 2913 ആളുകളാണ് ഇന്ന് കോവിഡിൽ നിന്നും മുക്തിനേടിയത്.
അതേസമയം, ഇന്ന് കോവിഡ് ബാധിച്ച് രാജ്യത്ത് ഒരാൾ കൂടി മരണമടഞ്ഞു. 88 വയസുള്ള വ്യക്തിയാണ് ചികിത്സയിലിരിക്കെ മരിച്ചത്. ഇതോടെ ആകെ കോവിഡ് മരണങ്ങൾ 652 ആയി. തീവ്രപരിചരണവിഭാഗത്തിൽ കഴിയുന്ന 50 പേരടക്കം ആകെ 167 പേരാണ് ആശുപത്രികളിൽ ചികിത്സയിൽ കഴിയുന്നത്. ഇന്ന്, ബൂസ്റ്റർ ഡോസുകൾ അടക്കം ആകെ 42977 വാക്സിൻ കുത്തിവെപ്പുകൾ നടത്തിയതായും മന്ത്രാലയം അറിയിച്ചു.