January 11, 2022
January 11, 2022
ദോഹ : ഖത്തറിലേക്ക് യാത്ര ചെയ്യാൻ ഉദ്ദേശിക്കുന്ന ആളുകൾ ഇഹ്തിറാസ് ആപ്പിലെ 'ഖത്തർ പോർട്ടൽ' ഉപയോഗിച്ച് രജിസ്റ്റർ ചെയ്യണമെന്ന് ഹമദ് വിമാനത്താവളത്തിലെ ഉദ്യോഗസ്ഥൻ ഓർമപ്പെടുത്തി. പീസീആർ പരിശോധന, ഹോട്ടൽ കൊറന്റൈൻ, വാക്സിനേഷൻ സർട്ടിഫിക്കറ്റ് തുടങ്ങിയ കാര്യങ്ങൾ സംബന്ധിച്ച വിവരങ്ങൾ ആപ്പിൽ രേഖപ്പെടുത്തണം. ഖത്തർ റേഡിയോയുടെ പരിപാടിയിൽ സംസാരിക്കവെ, പാസ്പോർട്ട് വിഭാഗം മേധാവി ക്യാപ്റ്റൻ അബ്ദുൾ അസീസ് അൽ റുമൈഹിയാണ് ഈ നിർദ്ദേശം നൽകിയത്.
കുട്ടികളെ ഖത്തറിലേക്ക് കൊണ്ടുവരുന്നവർക്ക് ഇഹ്തിറാസ് ആപ്പിൽ രജിസ്റ്റർ ചെയ്താൽ ഏറെ ഗുണങ്ങളുണ്ട്. രജിസ്റ്റർ ചെയ്തവർക്ക് കൊറന്റൈനുമായി ബന്ധപ്പെട്ട് എയർപോർട്ടിൽ നൽകുന്ന സത്യവാങ്മൂലം ആവശ്യമില്ല. ഏറെ സമയം എടുത്തേക്കാവുന്ന ഈ നടപടിയിൽ നിന്നും ഇഹ്തിറാസ് രജിസ്ട്രേഷൻ ഉള്ളവർക്ക് ഇളവ് ലഭിക്കും. ഇഹ്തിറാസിൽ രജിസ്റ്റർ ചെയ്തവർക്ക് വിമാനത്താവളത്തിലെ ഇ ഗേറ്റ് ഉപയോഗിക്കാനും കഴിയും. ഖത്തറിൽ സ്ഥിരതാമസക്കാർ അല്ലാത്തവർ രാജ്യം സന്ദർശിക്കുന്നതിന്റെ മൂന്ന് ദിവസം മുൻപെങ്കിലും http://www.ehteraz.gov.qa എന്ന വെബ്സൈറ്റ് സന്ദർശിച്ച്, ആവശ്യമായ രേഖകൾ സമർപ്പിക്കണം. ഖത്തർ പൗരത്വം ഉള്ളവർക്ക് ഈ പ്രക്രിയ നിർബന്ധം അല്ലെങ്കിലും, ചെയ്യുന്നതാണ് ഉചിതമെന്നും അധികൃതർ അറിയിച്ചു.