April 19, 2021
April 19, 2021
ദോഹ: ജി.സി.സി സ്റ്റാന്‍ഡേര്‍ഡൈസേഷന്‍ ഓര്‍ഗനൈസേഷന്റെ (ജി.എസ്.ഒ) സാങ്കേതിക കൗണ്‍സിലിന്റെ 48-ാമത് യോഗത്തില്‍ ഖത്തര്‍ പങ്കെടുത്തു. വെര്‍ച്വല്‍ ആയി നടത്തിയ യോഗത്തില്‍ ഖത്തറിനു വേണ്ടി ഖത്തര്‍ ജനറല്‍ ഓര്‍ഗനൈസേഷന്‍ ഫോര്‍ സ്റ്റാന്‍ഡേര്‍ഡൈസേഷന്‍ ആന്‍ഡ് മെട്രോളജി (ക്യു.ജി.ഒ.എസ്.എം) ചെയര്‍പേഴ്‌സണ്‍ എഞ്ചിനീയര്‍ മുഹമ്മദ് ബിന്‍ സൗദ് അല്‍ മുസല്ലം പങ്കെടുത്തു.
ഗള്‍ഫ് സാങ്കേതിക സമിതികളുടെ വര്‍ക്ക്ഫ്‌ളോയെ കുറിച്ചുള്ള റിപ്പോര്‍ട്ടും 2020 ലെ ഗള്‍ഫ് സാങ്കേതിക സമിതികളുടെ വിലയിരുത്തലിനെ കുറിച്ചുള്ള ജി.എസ്.ഒയുടെ മെമ്മോറാണ്ടവും സ്റ്റാന്‍ഡേര്‍ഡൈസേഷനായുള്ള ടെക്‌നിക്കല്‍ വര്‍ക്ക് ഗൈഡിനെ കുറിച്ചുള്ള മെമ്മോയും യോഗത്തില്‍ ചര്‍ച്ച ചെയ്തു.
സ്റ്റിയറിങ് കമ്മിറ്റി ഫോര്‍ മെട്രോളജിയുടെ 31-ാമത് യോഗത്തിന്റെ തീരുമാനങ്ങളും 2021 നവംബര്‍ മുതല്‍ മാര്‍ച്ച് വരെയുള്ള ജി.സി.സി മെട്രോളജി ഗ്രൂപ്പ് ചെയര്‍പേഴ്‌സണിന്റെ റിപ്പോര്‍ട്ടും യോഗത്തില്‍ ചര്‍ച്ച ചെയ്തു.
കോര്‍പ്പറേറ്റ് സേവന മേഖലയുമായി ബന്ധപ്പെട്ട സ്റ്റാന്‍ഡേര്‍ഡൈസേഷന്‍ സേവനങ്ങള്‍ക്കായുള്ള ഏകീകൃത ധനകാര്യ വ്യവസ്ഥയെ കുറിച്ചുള്ള ജി.എസ്.ഒ പ്രസിഡന്റിന്റെ മെമ്മോറാണ്ടം യോഗം അവലോകനം ചെയ്തു. കൂടാതെ 2021 മുതല്‍ 2025 വരെയുള്ള കാലയളവില്‍ ജി.എസ്.ഒയുടെ തന്ത്രപരമായ പദ്ധതിയെകുറിച്ചുള്ള ജി.എസ്.ഒയുടെ പ്രസിഡന്റിന്റെ മെമ്മോറാണ്ടവും യോഗത്തില്‍ ഉയര്‍ന്നുവന്ന വിഷയങ്ങളും യോഗം അവലോകനം ചെയ്തു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
