December 16, 2021
December 16, 2021
ദോഹ : രാജ്യം ദേശീയദിനം ആഘോഷിക്കാൻ ഒരുങ്ങുന്ന വേളയിൽ തടവുകാർക്ക് മാപ്പ് നൽകി അമീർ. അമീരി ദിവാനാണ് ഇക്കാര്യം മാധ്യമങ്ങളെ അറിയിച്ചത്. അതേസമയം, എത്ര തടവുകാർക്കാണ് മോചനം ലഭിക്കുകയെന്നോ, ഈ കൂട്ടത്തിൽ ഏതൊക്കെ രാജ്യക്കാരാണ് ഉൾപെട്ടിട്ടുള്ളത് എന്നോ ഇതുവരെ വ്യക്തമായിട്ടില്ല.
ദേശീയദിനം പ്രമാണിച്ച് മുൻപും ഇത്തരത്തിൽ തടവുകാർക്ക് ഇളവ് നൽകപ്പെട്ടിട്ടുണ്ട്. ഗുരുതരമല്ലാത്ത കുറ്റകൃത്യങ്ങൾ ചെയ്തവർ, ശിക്ഷാ കാലാവധി ഏതാണ്ട് കഴിയാറായവർ തുടങ്ങിയ ആളുകൾക്കാണ് ഈ ഇളവുകൾ ലഭിക്കാറ്‌. പവിത്രമായ റമദാൻ മാസത്തിലും സമാനമായ രീതിയിൽ കുറ്റവാളികൾക്ക് അമീർ പൊതുമാപ്പ് നൽകാറുണ്ട്.
