May 26, 2021
May 26, 2021
ദോഹ : ഗൾഫിൽ രാഷ്ട്രീയ അനിശ്ചിത്വത്തിന് ഇടയാക്കിയ ഉപരോധം പിൻവലിച്ചതിനു പിന്നാലെ ഖത്തറും ഈജിപ്തും തമ്മിലുള്ള ബന്ധം കൂടുതൽ മെച്ചപ്പെടുന്നതായി സൂചന.ഇതിന്റെ ഭാഗമായി ഈജിപ്ഷ്യൻ പ്രസിഡന്റ് അബ്ദൽ ഫതാഹ് അൽ സിസിയെ ഖത്തർ അമീർ ശൈഖ് തമീം ബിൻ ഹമദ് അൽതാനി ഖത്തർ സന്ദർശിക്കാൻ ക്ഷണിച്ചതായാണ് ഏറ്റവും പുതിയ റിപ്പോർട്ട്.ഖത്തർ വിദേശകാര്യ മന്ത്രി മുഹമ്മദ് ബിൻ അബ്ദുൽ റഹ്‌മാൻ അൽതാനി കഴിഞ്ഞ ദിവസം നടത്തിയ കെയ്‌റോ സന്ദർശനത്തിനിടെയാണ് അമീറിന്റെ ക്ഷണം സിസിക്ക് കൈമാറിയത്.2013 ൽ മുഹമ്മദ് മുർസിയെ പുറത്താക്കി അധികാരം പിടിച്ചെടുത്തത് മുതൽ ഖത്തറും ഈജിപ്തും തമ്മിലുള്ള ബന്ധം വഷളായിയിരുന്നു.
2017 ൽ സൗദി,യു.ഇ,ബഹ്‌റൈൻ എന്നീ ഗൾഫ് രാജ്യങ്ങൾക്കൊപ്പം ഖത്തറിനെതിരെ ഉപരോധം പ്രഖ്യാപിച്ച രാജ്യങ്ങളിൽ ഈജിപ്തും ഉൾപ്പെട്ടിരുന്നു.പിന്നീട് ഇക്കഴിഞ്ഞ ജനുവരി ആദ്യം സൗദിയിലെ അൽ ഉലയിൽ ചേർന്ന ഉച്ചകോടിയിലെ ഉഭയകക്ഷി കരാർ പ്രകാരമാണ് രണ്ടര വർഷം നീണ്ട ഉപരോധം പിൻവലിച്ചത്.
