December 16, 2021
December 16, 2021
ദോഹ : ഖത്തറിന്റെ യാത്രാ റെഡ് ലിസ്റ്റിലേക്ക് നാല് രാജ്യങ്ങളെ കൂടി പുതുതായി ഉൾപ്പെടുത്തി. കോവിഡിന്റെ ഒമിക്രോൺ വകഭേദം കൂടുതൽ രാജ്യങ്ങളിലേക്ക് പടരുന്നത് കണക്കിലെടുത്താണ് തീരുമാനം. യൂറോപ്യൻ രാജ്യങ്ങളായ യുണൈറ്റഡ് കിങ്‌ഡം (യുകെ), ജർമനി, സ്വിറ്റ്സർലാന്റ്, ഡെന്മാർക്ക് എന്നീ രാജ്യങ്ങളെയാണ് റെഡ് ലിസ്റ്റിൽ ഉൾപ്പെടുത്തിയത്. ഇംഗ്ലണ്ട് അടക്കമുള്ള രാജ്യങ്ങളിൽ പ്രതിദിന കോവിഡ് കേസുകളിൽ റെക്കോർഡ് വർദ്ധനവ് ഉണ്ടായതോടെയാണ് ഖത്തർ നയം മാറ്റിയത്. ഡിസംബർ 19 മുതലാണ് ഈ മാറ്റം പ്രാബല്യത്തിൽ വരിക.
അതേ സമയം, പുതിയ യാത്രാമാനദണ്ഡം ഇന്ത്യയിൽ നിന്നുള്ള യാത്രികരെ ഒരു തരത്തിലും ബാധിക്കില്ല. മുൻപ് പ്രഖ്യാപിച്ചത് പ്രകാരം ഇന്ത്യ ഇപ്പോഴും അതി തീവ്ര ജാഗ്രത ആവശ്യമുള്ള 'എക്സെപ്ഷണൽ റെഡ് ലിസ്‌റ്റി'ൽ തന്നെയാണ് ഉൾപെട്ടിട്ടുള്ളത്. നാല് രാജ്യങ്ങളെ കൂടി പട്ടികയിൽ ഉൾപ്പെടുത്തുന്നതോടെ ഖത്തറിന്റെ റെഡ് ലിസ്റ്റ് പട്ടികയിലെ രാജ്യങ്ങളുടെ എണ്ണം 23 ആയി ഉയർന്നു.
