April 24, 2021
April 24, 2021
ദോഹ : ഗാർഹിക തൊഴിലാളികൾക്കും സമാനമായ മറ്റു ജോലികൾക്കുമുള്ള വിസാ സർവീസുകൾക്കുള്ള അപേക്ഷകൾ ഇന്ത്യയിലെ വിസാ സെന്ററുകളിൽ ഈ മാസം 25 ഞായറാഴ്ച മുതൽ സ്വീകരിച്ചു തുടങ്ങുമെന്ന് ഖത്തർ ആഭ്യന്തര മന്ത്രാലയം അറിയിച്ചു.ഗാർഹിക ജോലികളുമായി ബന്ധപ്പെട്ട (സ്ത്രീ/പുരുഷൻ) വിസാ സർവീസുകളാണ് അനുവദിക്കുകയെന്ന് ആഭ്യന്തര മന്ത്രാലയം സമൂഹമാധ്യമ അക്കൗണ്ടിൽ അറിയിച്ചു.
ഖത്തർ വിസാ സെന്ററിന്റെ ഔദ്യോഗിക വെബ്‌സൈറ്റ് വഴി അപ്പോയിന്മെന്റിനായി അപേക്ഷിക്കാവുന്നതാണ്. അപേക്ഷിക്കാനുള്ള ലിങ്ക് : ഖത്തർ വിസാ സെന്റർ
ഇന്ത്യയിൽ,കൊച്ചി,ചെന്നൈ,ഹൈദരാബാദ്,ലഖ്‌നൗ,മുംബൈ.ദൽഹി എന്നിവിടങ്ങളിലാണ് വിസാ സെന്ററുകൾ ഉള്ളത്.ഖത്തറിലേക്ക് പുതുതായി വിസ ലഭിച്ചവർക്കുള്ള മെഡിക്കൽ ഉൾപ്പെടെയുള്ള സേവനങ്ങൾ ഈ കേന്ദ്രങ്ങളിൽ നിന്നാണ് ലഭിക്കുക.
ന്യുസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
