August 16, 2022
August 16, 2022
ദോഹ : 2022 ഫിഫ ലോകകപ്പിന്റെ സുരക്ഷ ഉറപ്പുവരുത്തുന്നതിനുള്ള വിപുലമായ ശ്രമങ്ങളുടെ ഭാഗമായി യുകെയിൽ നിന്നുള്ള ആദ്യ യൂറോഫൈറ്റർ ടൈഫൂൺ യുദ്ധവിമാനം ഈ മാസം തന്നെ ഖത്തറിൽ എത്തുമെന്ന് ഖത്തർ വാർത്താ ഏജൻസിയായ ക്യുഎൻഎ റിപ്പോർട്ട് ചെയ്തു.യുകെയിലെ വാർട്ടൺ എയർബേസിൽ ഇന്നലെയാണ് ഖത്തറിലേക്കുള്ള പ്രഥമ ടൈഫൂൺ യുദ്ധവിമാനത്തിന്റെ ഏറ്റുവാങ്ങൽ ചടങ്ങ് നടന്നത്.
ചടങ്ങിൽ ഖത്തർ ഉപപ്രധാനമന്ത്രിയും പ്രതിരോധകാര്യ സഹമന്ത്രിയുമായ ഡോ. ഖാലിദ് ബിൻ മുഹമ്മദ് അൽ അത്തിയ, ഖത്തർ എമിരി എയർ കമാൻഡർ മേജർ ജനറൽ ജാസിം മുഹമ്മദ് അഹമ്മദ് അൽ മന്നായി,BAE സിസ്റ്റംസ് ഗ്രൂപ്പ്, മാനേജിംഗ് ഡയറക്ടർ ക്ലിഫ് റോബ്‌സൺ തുടങ്ങിയവർ പങ്കെടുത്തു.
ഈ മാസം അവസാനം വിമാനം യുകെയിൽ നിന്ന് ഖത്തറിലേക്ക് പറക്കും.ബ്രിട്ടീഷ് എയ്‌റോസ്‌പേസ് കമ്പനിയായ ബിഎഇ സിസ്റ്റംസും ഖത്തറും തമ്മിലുള്ള കരാർ പ്രകാരം ഖത്തറിനായി നിർമിച്ച 24 യുദ്ധവിമാനങ്ങളിൽ ആദ്യത്തേതാണ് കഴിഞ്ഞദിവസം ഖത്തറിന് കൈമാറിയത്.2017 ലാണ് ഖത്തർ അമീരി ഫോഴ്‌സ് ബിഎഇ സിസ്റ്റംസുമായി ഇതിനുള്ള കരാറിൽ ഒപ്പുവെച്ചത്.
നവംബർ 20 മുതൽ ഖത്തറിൽ നടക്കുന്ന ഫിഫ ലോകകപ്പിന്റെ സുരക്ഷ ഉറപ്പുവരുത്തുന്നതിൽ ടൈഫൂൺ യുദ്ധവിമാനങ്ങൾ നിർണായക പങ്കുവഹിക്കും.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
