August 30, 2022
August 30, 2022
ദോഹ : കോൺഗ്രസ് പോഷകസംഘടനയായ ഇന്കാസ് ഖത്തര് സെന്ട്രല് കമ്മിറ്റിയുടെ പുതിയ ഓഫീസ് ദോഹ തുമാമയിലെ ഐഐസിസി(IICC) കെട്ടിടത്തിൽ (ഇന്റര്ഗ്രേറ്റഡ് ഇന്ത്യന് കമ്മ്യൂണിറ്റി സെന്ററിൽ) പ്രവർത്തനം ആരംഭിച്ചു.നോർക റൂട്സ് ഡയറക്റ്ററും ബെഹ്സാദ് ഗ്രൂപ് എം.ഡിയുമായ ജെ കെ മേനോൻ സെൻട്രൽ കമ്മിറ്റിയുടെ പുതിയ ഓഫിസിന്റെ ഔപചാരിക ഉദ്ഘാടനം നിർവഹിച്ചു.
നമ്മുടെ രാജ്യത്തിന്റെ ദേശീയ ജനാധിപത്യ ആശയങ്ങൾ ഉൾക്കൊണ്ടു പ്രവർത്തിക്കുന്ന ഇൻകാസ് ഖത്തറിലെ ഇന്ത്യൻ സമൂഹത്തിൽ നിറ സാന്നിധ്യമാണെന്നും അതിന്റെ പ്രവർത്തനങ്ങൾ കൂടുതൽ ശക്തമായി മുന്നോട്ട് കൊണ്ടുപോകാൻ പുതിയ നേതൃത്വത്തിന് സാധിക്കട്ടെ എന്നും ഓഫീസിന്റെ ഉദ്ഘാടനം നിർവഹിച്ചുകൊണ്ട് ജെ കെ മേനോൻ പറഞ്ഞു .
ആരെയും മാറ്റി നിർത്തിയല്ല എല്ലാവരെയും ഉൾക്കൊണ്ട് പോവാനുള്ള ശ്രമം എല്ലവരുടെയും ഭാഗത്തു നിന്നും ഉണ്ടാകണമെന്ന് ആവശ്യപ്പെട്ട അദ്ദേഹം ഖത്തർ ഇൻകാസിനെ ഒറ്റക്കെട്ടായി മുന്നൊട്ടു പോകുന്നതിന് എല്ലാവിധ പിന്തുണയും സഹകരണവും തന്റെ ഭാഗത്തു നിന്ന് ഉണ്ടാവുമെന്നും അദ്ദേഹം സൂചിപ്പിച്ചു.
ഐ ഐ സി സി കാഞ്ചാനി ഹാളിൽ നടന്ന പ്രൗഢഗംഭീരമായ ഉദ്ഘാടന ചടങ്ങിൽ ഇൻകാസ് സെൻട്രൽ കമ്മിറ്റി പ്രസിഡന്റ് ഹൈദർ ചുങ്കത്തറ അധ്യക്ഷത വഹിച്ചു. ഖത്തറിലെ എല്ലാ ഇൻകാസ് പ്രവർത്തകരുടെയും ഇന്ത്യൻ പ്രവാസികളുടെയും ആശാകേന്ദ്രമായി ഇൻകാസ് ഓഫീസ് പ്രവർത്തിക്കുമെന്ന് ഹൈദർ ചുങ്കത്തറ പറഞ്ഞു.
ഖത്തർ ഇൻകാസിന്റെ ഓഫീസ് ഉദ്ഘാടനത്തിനു ആശംശകളറിയിച്ച് മുൻ മുഖ്യമന്ത്രി ഉമ്മൻ ചാണ്ടി അയച്ച സന്ദേശം ജിഷ ജോർജും
പ്രതിപക്ഷ നേതാവ്
വി ഡി സതീശൻ നൽകിയ സന്ദേശം അഡ്വ. മഞ്ജുഷ ശ്രീജിത്തും വായിച്ചു.
മുൻ പ്രതിപക്ഷ നേതാവ് രമേശ് ചെന്നിത്തലയുടെയും യു ഡി എഫ് കൺവീനർ എം എം ഹസ്സന്റെയും വീഡിയോ സന്ദേശവും സദസ്സിൽ അവതരിപ്പിച്ചു.ഖത്തർ ഇൻകാസ് മുൻ പ്രസിഡന്റ് ജോപ്പച്ചൻ തെക്കേ കൂറ്റ്,എ പി മണികണ്ഠൻ,കെ വി ബോബൻ, പ്രദീപ് പിള്ളൈ എന്നിവർ സംസാരിച്ചു. ബഷീർ തുവാരിക്കൽ സ്വാഗതവും
ഈപ്പൻ തോമസ് നന്ദിയും പറഞ്ഞു.
പരിപാടിയോടനുബന്ധിച്ച് ഇൻകാസ് കലാകാരന്മാരുടെ ആഭിമുഖ്യത്തിൽ വിവിധ കലാ പരിപാടികൾ അരങ്ങേറി.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/GNnAPz2ISv601MKXQvNitL എന്ന ലിങ്കിൽ ജോയിൻ ചെയ്യുക