November 22, 2022
November 22, 2022
ന്യൂസ്റൂം ബ്യുറോ
ദോഹ : ഫിഫ ലോകകപ്പിൽ അർജന്റീനയ്ക്കെതിരായ സൗദിയുടെ ആവേശകരമായ പോരാട്ടത്തിനിടെ ഖത്തർ അമീർ ശൈഖ് തമീം ബിൻ ഹമദ് അൽതാനി സൗദി അറേബ്യയുടെ പതാക കഴുത്തിലണിഞ്ഞു സന്തോഷം പങ്കുവെച്ചു.സൗദി ആരാധകൻ പുഞ്ചിരിച്ചുനിൽക്കുന്ന ഖത്തർ അമീറിന് സൗദി പതാക കൈമാറുന്നതിന്റെയും അമീർ പതാക കഴുത്തിലണിഞ്ഞു ജനക്കൂട്ടത്തിന് നേരെ കൈവീശുകയും ചെയ്യുന്ന വീഡിയോ സമൂഹ മാധ്യമങ്ങളിൽ നിരവധി പേർ പങ്കുവെച്ചിട്ടുണ്ട്.
Watch: #Qatar’s Emir Sheikh Tamim bin Hamad is seen carrying #SaudiArabia’s flag and draping it around his neck during the Kingdom’s match against Argentina at the FIFA #WorldCup.https://t.co/G450866hTh pic.twitter.com/YB0Pj08uJS
— Al Arabiya English (@AlArabiya_Eng) November 22, 2022
ഖത്തർ ലോകകപ്പിൽ ഇരുടീമുകളുടെയും ആദ്യ മത്സരത്തിൽ കളിക്കളത്തിലെ കരുത്തരായ അർജന്റീനക്കെതിരെ സൗദി അറേബ്യ നേടിയ ഐതിഹാസിക വിജയം അറബ് ലോകം മുഴുവൻ ആഘോഷിക്കുകയാണ്.
സൗദി അറേബ്യ ഇത് ആറാം തവണയാണ് ലോകകപ്പിൽ കളിക്കുന്നതെങ്കിൽ കഴിഞ്ഞ പതിനേഴ് തവണയും ലോകകപ്പിൽ മികച്ച പ്രകടനം നടത്തിയ പരിചയവുമാണ് അർജന്റീനിയൻ ടീം ദോഹയിൽ എത്തിയത്. 1978 ലും 1986 ലും ലോകകപ്പ് ജേതാക്കളെന്ന ഖ്യാതിയും സ്വന്തമായുണ്ട്..
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/FIrAwQZT29aGSsExw8Oea6 എന്ന ലിങ്കിൽ ജോയിൻ ചെയ്യുക